அட அவங்களா.. சூர்யாவுக்கு ஜோடியாகும் விஜய் பட நடிகை.. வெளியான அதிகாரப்பூர்வ அறிவிப்பு..!

கார்த்திக் சுப்புராஜ் இயக்கத்தில் நடிகர் சூர்யா நடிக்கும் 44 வது படத்தில் அவருக்கு ஜோடியாக பூஜா ஹெக்டே நடிக்க உள்ளதாக தகவல் வெளியாகி உள்ளது. இது தொடர்பான அதிகாரப்பூர்வ அறிவிப்பை இயக்குனர் கார்த்திக் சுப்புராஜ் தனது எக்ஸ் தள பக்கத்தில் அறிவித்திருக்கின்றார். தமிழ் சினிமாவில் மிகவும் பிரபலமான நடிகர்களில் ஒருவராக வலம் வருபவர் நடிகர் சூர்யா.

இவர் தற்போது சிறுத்தை சிவா இயக்கத்தில் கங்குவா என்ற திரைப்படத்தில் நடித்து முடித்து இருக்கின்றார். இந்த திரைப்படம் மிகப்பெரிய பட்ஜெட்டில் எடுக்கப்பட்டுள்ளது. பத்துக்கும் மேற்பட்ட மொழிகளில் இந்தப் படம் வெளியாக உள்ளது. இப்படத்தின் சூட்டிங் முடிவடைந்துள்ள நிலையில் நடிகர் சூர்யா அடுத்த திரைப்படத்தில் நடிக்க இணைந்து இருக்கின்றார்.

கார்த்திக் சுப்புராஜூ உடன் சூர்யா 44வது திரைப்படத்தில் இணைந்துள்ளார். இந்த திரைப்படத்தில் சூர்யாவுடன் ஜோஜூ ஜார்ஜ், ஜெயராம், நாசர் உள்ளிட்ட பல பிரபலங்கள் முக்கிய கதாபாத்திரத்தில் உள்ளனர். இந்த படத்தில் வில்லனாக உரியடி படம் மூலம் கவனம் பெற்ற நடிகர் விஜயகுமார் நடிக்க இருக்கின்றார். மேலும் இந்த திரைப்படத்தில் கதாநாயகியாக நடிகை பூஜா ஹெக்டே நடிக்க உள்ளதாக தகவல் வெளியாகி உள்ளது.

இது குறித்து அதிகாரப்பூர்வ அறிவிப்பை தனது எக்ஸ் தளத்தில் இயக்குனர் கார்த்திக் சுப்புராஜ் அறிவித்திருக்கின்றார். இந்த படத்தின் ஷூட்டிங் நேற்று அந்தமானில் தொடங்கி இருக்கின்றது. அதை தொடர்ந்து முதல் சாட் வீடியோ இணையத்தில் வெளியாகிய மிகவும் பிரபலமானது. மேலும் ஒரு மாத காலம் அந்தமானில் இந்த படத்தின் சூட்டிங் நடைபெற உள்ளதாக தகவல் வெளியாகி உள்ளது.

மேலும் இந்த படத்தில் ஷூட்டிங் செல்வதற்கு முன்பு நடிகர் சூர்யா காளிகாம்பாள் கோவிலில் சாமி தரிசனம் செய்த புகைப்படங்கள் இணையத்தில் வெளியாகி வைரலாகி வந்தது. நேற்று இப்படத்தின் முதல் சாட் வீடியோ வெளியானதை தொடர்ந்து ரசிகர்கள் பலரும் சிங்கம் பட சூர்யாவை போல் உள்ளதாகவும், ஒரு சிலர் ரோலக்ஸ் போல் இருப்பதாக கூறி வருகிறார்கள்.

நடிகர் சூர்யா கடைசியாக எதற்கும் துணிந்தவன் என்ற திரைப்படத்தில் நடித்திருந்தார். அதைத் தொடர்ந்து கடந்த இரண்டு வருடங்களாக கங்குவா திரைப்படத்தில் மட்டுமே கவனம் செலுத்தி வந்த சூர்யா தற்போது அடுத்த படத்தில் கார்த்திக் சுப்புராஜுடன் இணைந்துள்ளார் என்பது குறிப்பிடத்தக்கது.