போலீசிடம் சிக்கிய நடிகை நிவேதா பெத்துராஜ்.. என்ன நடந்தது..? இணையத்தில் வைரலாகும் வீடியோ..!!

பிரபல நடிகையான நிவேதா பெத்துராஜ் கடந்த 2016-ஆம் ஆண்டு நெல்சன் வெங்கடேசன் இயக்கத்தில் உருவான ஒரு நாள் கூத்து திரைப்படத்தின் மூலம்  ஹீரோயினாக அறிமுகமானார். முதல் படமே அவருக்கு நல்ல வரவேற்பை தேடி தந்தது. அதன் பிறகு உதயநிதி ஸ்டாலின் உடன் இணைந்து பொதுவாக எம்மனசு தங்கம் என்ற படத்தில் நடித்தார்.

பின்னர் ஜெயம் ரவியுடன் டிக் டிக், விஜய் ஆண்டனியுடன் திமிரு புடிச்சவன், விஜய் சேதுபதியுடன் சங்கத்தமிழன், பிரபுதேவா உடன் பொன் மாணிக்கவேல் உள்ளிட்ட படங்களில் நிவேதா பெத்துராஜ் நடித்தார். தெலுங்கில் கடந்த 2017-ஆம் ஆண்டு ரிலீஸ் ஆன மெண்டல் மதிலோ என்ற திரைப்படத்தின் மூலம் என்ட்ரி கொடுத்தார் கடந்த 2020 ஆம் ஆண்டு ரிலீசான அலா வைகுண்டபுரமுலோ படத்தில் நிவேதா இன்னொரு ஹீரோயினாக நடித்துள்ளார்.

தமிழ், தெலுங்கு என இரு மொழி திரைப்படங்களிலும் நிவேதா பெத்துராஜ் நடித்து வருகிறார். அவர் மீது பல்வேறு சர்ச்சைகள் எழுந்தது. அதற்கு பதில் அளித்து சர்ச்சைகளுக்கு முற்றுப்புள்ளி வைத்துள்ளார். இந்த நிலையில் நிவேதா பெத்துராஜ் போலீஸிடம் வாக்குவாதம் செய்யும் வீடியோ சமூக வலைதளத்தில் வேகமாக பரவி வருகிறது. அந்த வீடியோவில் போலீசார் காரை வழிமறித்து சோதனையில் ஈடுபட்டனர்.

அப்போது நிவேதா பெத்துராஜ் கார் டிக்கியை திறக்க முடியாது என கூறி, இதை  ஏன் ரெக்கார்ட் செய்கிறீர்கள் என கேமராவை ஆப் செய்யும் வீடியோ சமூக வலைதளத்தில் வேகமாக பரவி வருகிறது. ஏற்கனவே கஸ்டடி படத்திற்காக வெங்கட் பிரபு கைது என இணையத்தில் செய்தி வரலானது. பின்னர் அந்த படத்தின் பிரமோஷன் என்பது தெரியவந்தது. அதேபோல இதுவும் படத்தின் ப்ரோமோஷன் ஆக இருக்கலாம் என நெட்டிசன்கள் கமெண்ட் செய்து வருகின்றனர். எது உண்மை என்பதை பொறுத்திருந்துதான் பார்க்க வேண்டும்.