உடலில் ஏற்படும் ஹார்மோன் மாற்றம்.. ஆறுதலுக்காக ஏங்கும் பெண்கள்.. நயன்தாரா வெளியிட்ட வைரல் பதிவு..!

நடிகை நயன்தாரா பெண்களின் ஹார்மோன் மாற்றம் மற்றும் மாதவிடாய் சமயத்தில் ஏற்படும் நிகழ்வுகள் குறித்து பதிவிட்டிருக்கின்றார்.

தமிழ் சினிமாவில் மிகவும் பிரபலமான நடிகைகளில் ஒருவராக வலம் வருபவர் நடிகை நயன்தாரா. லேடிஸ் சூப்பர் ஸ்டார் என்ற படத்துடன் வலம் வரும் இவர் தற்போது வரை முன்னணி நடிகையாக இருந்து வருகின்றார். ஐயா திரைப்படத்தின் மூலமாக திரை வாழ்க்கையை தொடங்கிய இவர் தமிழ் சினிமாவில் முன்னணி நடிகர்களாக இருக்கும் அஜித், விஜய், சூர்யா, ரஜினி, கமல் உள்ளிட்ட அனைத்து நடிகர்களுடனும் ஜோடி போட்டு நடித்து விட்டார்.

பல சிக்கல்கள் தோல்விகள் வந்தாலும் அதை கண்ட அஞ்சாமல் பீனிக்ஸ் பறவையாக மீண்டெழுந்து வருபவர். இவர் இயக்குனர் விக்னேஷ் சிவனை காதலித்து திருமணம் செய்து கொண்டார். பின்னர் வாடகைத்தாய் மூலமாக இரட்டை ஆண் குழந்தைகளை பெற்றுக் கொண்டு சந்தோஷமாக வாழ்ந்து வருகின்றார்.

சினிமாவில் தொடர்ந்து கவனமாக கவனம் செலுத்தி வரும் நடிகை நயன்தாரா தற்போது மண்ணாங்கட்டி என்ற திரைப்படத்தில் நடித்து வருகிறார். அதைத் தொடர்ந்து மலையாள சினிமாவில் ஒரு திரைப்படத்திலும் கமிட்டாகி நடித்து வருகின்றார். ஒரு பக்கம் சினிமா மற்றொரு பக்கம் குடும்பம் என்று பிஸியாக இருந்தாலும் அதை தொடர்ந்து பிசினஸிலும் சாதித்து வருகின்றார் நடிகை நயன்தாரா.

அந்த வகையில் நடிகை நயன்தாரா சமீபமாக ஒரு புதிய தொழிலை தொடங்கி இருந்தார். அதாவது femi 9 என்ற சானிடரி பிராண்டை தொடங்கியிருந்தார். இதற்கு முன்னதாக 9 ஸ்கின் மற்றும் லிபாம் கம்பெனியை தொடங்கியிருந்த நயன்தாரா புதிதாக பெண்களுக்கு மாதவிடாய் நேரத்தில் மிகவும் சவுகரியமாக இருப்பதற்காக femi 9 என்கின்ற இந்த சானிடரி நாப்கின் பிராண்டை தொடங்கியிருந்தார். இது குறித்து தன்னுடைய சமூக வலைதள பக்கத்தில் ஒரு பதிவை வெளியிட்டு இருக்கின்றார்.

அதில் “ஒரு பெண் ஒரு மாதத்தில் பல கட்டங்களை கடந்து வருகிறார். ஏற்கனவே நிறைய ஹார்மோன் மாற்றங்களை எதிர்கொள்கிறோம். குறிப்பாக அந்த மாதத்தின் போது அதிக ஆறுதலையும் நேசிப்பையும் எதிர்பார்க்கிறோம். இது அவர்களுக்கு மிகவும் ஆறுதல் அளிக்கின்றது. எனக்கு நன்றாக வேலை செய்ததால் தான் நான் இந்த கம்பெனியை தொடங்கினேன். ஒவ்வொரு பெண்ணும் ஒரு வசதியான மாதவிடாய் சுழற்சியை விரும்புகிறோம் என்று தன்னுடைய femi 9 சானிடரி நாப்கினுக்கு ப்ரமோஷன் செய்திருக்கின்றார் நடிகை நயன்தாரா.