பிரம்மாண்டமாக தொடங்கிய மூக்குத்தி அம்மன் படத்திற்கான பூஜை.. அம்மன் ரோலில் நடிக்க தன் குழந்தைகளுடன் ஒரு வாரமாக விரதம் இருக்கும் நயன்தாரா.. !

தமிழ் சினிமாவில் முன்னணி நடிகையாக கொடிகட்டி பறந்து கொண்டிருப்பவர் தான் நடிப்பை நயன்தாரா. இவர் சமீபத்தில் லேடி சூப்பர் ஸ்டார் என்று தன்னை யாரும் அழைக்க வேண்டாம் என்று அறிக்கை வெளியிட்டிருந்தார். இப்படியான நிலையில் தற்போது நயன்தாரா நடிக்கும் மூக்குத்தி அம்மன் 2 திரைப்படத்தை சுந்தர் சி இயக்க உள்ளார். வேல்ஸ் பிலிம்ஸ் நிறுவனம் சார்பாக ஐசரி கணேஷ் என்ற திரைப்படத்தை தயாரிக்க உள்ளார். இந்த திரைப்படத்திற்கு ஹிப்ஹாப் ஆதி இசை அமைக்க உள்ளார். இந்த திரைப்படத்தை சுமார் 100 கோடி பட்ஜெட்டில் பிரம்மாண்டமாக உருவாக்க படக்குழுவினர் திட்டமிட்டுள்ளனர். இந்த படத்தின் படபிடிப்பு இன்று பூஜை உடன் தொடங்கியுள்ளது. இன்று நடைபெற்ற படத்தின் பூஜைக்கே பிரம்மாண்டமாக கோவில் செட் போடப்பட்டு இருந்தது.

இந்த திரைப்படத்தின் மீது ரசிகர்கள் மத்தியில் மிகுந்த எதிர்பார்ப்பு இருந்து வரும் நிலையில் இன்று நடைபெற்ற மூக்குத்தி அம்மன் 2 படத்தின் பூஜையில் பேசிய ஐசரி கணேஷ், மூக்குத்தி அம்மன் என்பது தன்னுடைய குலதெய்வத்தின் பெயர். அந்த பெயர் இல்லையே படம் உருவாவதால் அதன் முதல் பாகத்தை தயாரித்தேன். அந்தப் படம் வெளியாகி நான்கு ஆண்டுகள் ஆனபோதிலும் அதன் பிறகு எந்த ஒரு அம்மன் படமும் வெளியாகவில்லை. அதன் காரணமாக நாமே மூக்குத்தி அம்மன் படத்தை ஒரு பிரான்சைஸ் ஆக எடுக்கலாம் என்று முடிவெடுத்து படத்தின் பணிகளை தொடங்கினேன். அதுமட்டுமல்லாமல் பிரான்சைஸ் என்றாலே தமிழில் சுந்தர் சி தான் நினைவுக்கு வருவார்.

அவருடைய அரண்மனை பிரான்சைஸ் எவ்வளவு பெரிய வெற்றி என்பது அனைவருக்குமே தெரிந்தது தான். அதனைப் போலவே மூக்குத்தி அம்மன் 2 படத்தையும் அவரை வைத்து எடுக்க ஆசைப்பட்டேன். அதற்கு அவரும் சம்மதம் தெரிவித்து விட்டார். படத்தின் பட்ஜெட் என்னவென்று கேட்டபோது சுந்தர் சி மூன்று விரல்களை காட்டினார். நானும் அதற்கு ஓகே சொல்லி விட்டேன். பான் இந்திய அளவில் இந்த படத்தை எடுக்க உள்ளதால் பிரம்மாண்டமாக எடுக்க திட்டமிடப்பட்டுள்ளது. மூக்குத்தி அம்மன் படத்திற்கு பலமே நயன்தாரா தான். முதல் பாகம் எடுத்த போது அந்த படத்திற்காக விரதம் இருந்து நடித்துக் கொடுத்தார். அதனைப் போல தற்போது இரண்டாம் பாகம் பூஜை போடும் ஒரு மாதத்திற்கு முன்னரே தன்னுடைய குழந்தைகளுடன் நயன்தாரா விரதத்தை தொடங்கிவிட்டார் என்று ஐசரி கணேஷ் கூறியுள்ளார்.