காதல் காட்சியில் அண்ணானு கூப்பிட்ட நளினி.. கோபத்தில் திட்டிய விஜயகாந்த்.. அவரே பகிர்ந்த சுவாரஸ்ய சம்பவம்..!

தமிழ் சினிமாவில் 90 காலகட்டத்தில் முன்னணி நடிகைகளில் ஒருவராக கலக்கியவர் தான் நடிகை நளினி. விஜயகாந்த் மற்றும் சத்யராஜ் உள்ளிட்ட முன்னணி நடிகர்களுடன் இணைந்து பல திரைப்படங்களில் நடித்துள்ளார். தன்னுடைய நடிப்பால் ஒட்டுமொத்த தமிழ் ரசிகர்களையும் கட்டி போட்டவர். இப்படி சினிமாவில் பிஸியாக இருந்த நளினி தன்னுடன் நடித்த நடிகர் ராமராஜனை காதலித்து திருமணம் செய்து கொண்டார். இந்த தம்பதிகளுக்கு ஒரு மகன் மற்றும் மகள் உள்ள நிலையில் இருவரும் சில காலம் மட்டுமே ஒன்றாக சேர்ந்து வாழ்ந்து வந்தனர்.

அதன் பிறகு விவாகரத்து செய்து பிரிந்து விட்ட நிலையில் தற்போது தனித்தனியாக வாழ்ந்து வருகிறார்கள். இப்படியான நிலையில் நடிகை நளினி சமீபத்தில் அளித்த பேட்டியில் விஜயகாந்த் குறித்து பேசி உள்ளார். விஜயகாந்துடன் இணைந்த நளினி கிட்டத்தட்ட 14 திரைப்படங்களில் ஒன்றாக நடித்துள்ளார். அப்படி இருந்தும் விஜயகாந்தை அவர் எப்போதுமே அண்ணா என்று தான் அழைப்பாராம்.

அதனால் நடிக்கும்போது அண்ணா அப்படி இல்ல இப்படி நடிங்க என்று சொன்னதும் தயவு செஞ்சு அண்ணா என்று மட்டும் கூப்பிடாதம்மா எனக்கு நடிக்கவே வரல இந்த ஷாட் முடியிற வரைக்கும் மட்டுமாவது அண்ணான்னு கூப்பிடாம இரு என்று சொல்வாராம். ஒரு நேரத்தில் மாமா என்று கூப்பிடு என்று கூட சொல்லியும் நளினி அதை செய்யவில்லையாம். அதுமட்டுமல்லாமல் நளினி மற்றும் ராமராஜன் இடையே பிரிவு வந்தபோது முதலாளாக வீட்டிற்குச் சென்று நளினியை சந்தித்து பேசியவர் விஜயகாந்த் தான்.

உனக்காக நான் இருக்கேன் நீ திரும்ப நடிக்கணும்னு நினைக்கிறாயா? என்ன வேணாலும் பண்ணு உனக்கு பக்க பலமா நான் இருக்கேன் என்று நளினிக்கு தோல் தட்டி கொடுத்தவர் விஜயகாந்த். அவருடைய பெயரை சொன்னாலே தனக்கு மிகப்பெரிய பலம் வந்துவிடும் என சமீபத்திய பேட்டியில் நளினி பேசியுள்ளார்.