அதற்கு ஆண் பெண் என்கிற பேதம் இல்லை… முழுமையாக சரணடைந்து விடுங்கள் – தனது ரசிகர்களுக்கு அட்வைஸ் தந்த நடிகை மிருணாள் தாகூர்

சமீபத்தில் ஒரு நிகழ்ச்சியில் பங்கேற்ற நடிகை மிருணாள் தாகூரிடம் உங்களைப் பொறுத்தவரை காதல் என்றால் என்ன என்று கேள்வி எழுப்பப்பட்டது. அதற்கு பதிலளித்து மிருணாள் தாகூர் கூறியதாவது, காதல் என்பது மிகவும் அழகான ஒரு உணர்வு. பூமியில் இருக்கும் அனைவருக்கும் காதல் ஏற்பட வேண்டும். காதல் ஒருவரை சிறந்த மனிதராக மாற்றும் சக்தி கொண்டது. எல்லோருக்கும் அப்படிப்பட்ட காதல் அமைய வேண்டும் என்று நான் பிரார்த்தனை செய்கிறேன்.

காதலில் மிக முக்கியமானது ஏற்றுக்கொள்ளுதல். சில நேரங்களில் காதலை ஏற்றுக்கொள்வதும் அங்கீகரிப்பதும் சிரமமானதாக இருக்கலாம். காதலுக்கான வரையறைகள் காலத்துக்கு ஏற்ப மாறிக் கொண்டே இருந்தாலும் எப்போதும் காதல் மட்டும் மாறாதது. காதலில் இருப்பவர்கள் எப்போதும் கொடுப்பவர்களாக இருக்க வேண்டும். அதற்கு ஆண் பெண் என்ற பேதம் இல்லை. நீங்கள் காதலில் இருந்தால் அவர்களிடம் முழுமையாக சரணடையுங்கள் என்று நடிகை மிருணாள் தாகூர் கூறியிருக்கிறார்.