விமர்சையாக நடந்த மேகா ஆகாஷ் திருமணம்.. ஏராளமான திரை பிரபலங்கள் பங்கேற்பு.. வெளியான போட்டோஸ்..!!

நடிகை மேகா ஆகாஷ் சூப்பர் ஸ்டார் ரஜினிகாந்த் நடித்த பேட்ட திரைப்படத்தின் மூலம் திரையுலகில் தனது பயணத்தை ஆரம்பித்தார். இவர் தமிழ் மற்றும் தெலுங்கு மொழி படங்களில் பிசியாக நடித்து வருகிறார். சிம்புவுடன் சேர்ந்து மேகா ஆகாஷ் வந்த ராஜாவாகத்தான் வருவேன் என்ற திரைப்படத்தில் நடித்தார்.

ஆனால் அந்த படம் படு தோல்வியை சந்தித்தது. தனுசுக்கு ஜோடியாக என்னை நோக்கி பாயும் தோட்டா திரைப்படத்தில் நடித்தார். இந்த படத்தை கௌதம் வாசுதேவ் மேனன் இயக்கினார்.இந்த படத்தின் பாடல்கள் ரிலீஸ் ஆகி மக்களிடையே நல்ல வரவேற்பை பெற்றது. ஆனால் படம் ரசிகர்களை கவரவில்லை. படத்தில் மேகா ஆகாஷின் நடிப்பு ரசிகர்களை வெகுவாக கவர்ந்தது.

சந்தானம் நடிப்பில் ரிலீசான வடக்குப்பட்டி ராமசாமி திரைப்படத்தில் நடித்தார். இதனை தொடர்ந்து விஜய் ஆண்டனி நடிப்பில் உருவான மழை பிடிக்காத மனிதன் திரைப்படத்திலும் நடித்துள்ளார். இந்த நிலையில் மேகா ஆகாஷ் தனது நீண்ட நாள் காதலரான சாய் விஷ்ணுவை திருமணம் செய்ய உள்ளார்.

இந்த நிலையில் மேகா ஆகாஷுக்கும் சாய் விஷ்ணுவுக்கும் நேற்று திருமணம் விமர்சையாக நடைபெற்றுள்ளது. இந்த திருமணத்தில் உதயநிதி ஸ்டாலின் கலந்து கொண்டார். மேலும் ஏராளமான திரை பிரபலங்களும், முக்கிய அரசியல் பிரமுகர்களும் கலந்து கொண்டனர். இது தொடர்பான புகைப்படங்கள் சமூக வலைதளத்தில் வேகமாக பரவி வருகிறது. அதனை பார்த்து ரசிகர்கள் இருவருக்கும் வாழ்த்து தெரிவித்து வருகின்றனர்.