டூ பீஸ் ஆடை அணிந்து நான் நடிக்க மாட்டேன் – ஆடிஷனில் தில்லாக சொன்ன நடிகர் தனுஷ் பட நடிகை – ரசிகர்களிடம் குவியும் பாராட்டு!

பாலிவுட் சினிமாவில் இப்போது நடிகை கிருத்தி சனோன் ஒரு முன்னணி நட்சத்திரமாக ஜொலிக்கிறார். கிளாமரை நம்பாமல் தனது சிறந்த நடிப்பு திறமையால் ரசிகர்களின் மனதை வென்றவர். எந்தவிதமான சினிமா பின்னணியும் இல்லாமல் கிருத்தி சனோன் திறமையால் சினிமாவில் முன்னிலைக்கு வந்துள்ளார். அவரது இந்த வெற்றிக்கு பின்னால் அவரது கடின உழைப்பு உள்ளது.

அவர் சினிமாவில் நுழைவதற்கு முன் பல சவால்களை சந்தித்து இருக்கிறார். ஒரு படத்துக்கான ஆடிசனில் கிருத்தி சனோன் கலந்துக்கொண்ட அந்த வீடியோ இணையத்தில் இப்போது வைரலாகி வருகிறது. அதில் வெள்ளை நிற ஆஃப் – ஷோல்டர் கவுன் அணிந்து மிகவும் அப்பாவியாக அதில் கிருத்தி சனோன் தோற்றமளிக்கிறார். அப்போது அவருக்கு வயது 22. தன்னை அறிமுகம் செய்து கொள்கிறார்.

அப்போது படக்குழுவினர் அவரிடம் சில கேள்விகள் கேட்கிறார்கள். அதற்கு புன்னகையுடன் பதில் அளிக்கும் கிருத்தி சனோன், டூ பீஸ் (பிகினி) ஆடைகளை அணிய எனக்கு அவ்வளவு வசதியாக இல்லை. அதனால் அது போன்ற ஆடைகளை அணிந்து நடிக்க மாட்டேன் என்று கெத்தாக பதில் சொல்கிறார். அதேபோல் இந்த வீடியோவில் கிருத்தி சனோன் சில கடினமான காட்சிகளை நடித்துக் காட்டுகிறார் அவரது நடிப்பு திறமை அசத்துகிறது.

அவரது அந்த உழைப்பே இன்று அவரை பாலிவுட்டில் முன்னணி நடிகையாக மாற்றியுள்ளது. இந்த வீடியோ வைரலான நிலையில் கிருத்தி சனோனுக்கு பாராட்டுகள் குவிந்து வருகின்றன. சமீபத்தில் நடிகர் தனுஷ் நடித்து வெளியான தேரே இஸ்க் மே என்ற படத்தில் கதாநாயகியாக கிருத்தி சனோன் நடித்திருந்தார் என்பது குறிப்பிடத்தக்கது. இன்னும் பல படங்கள் அவர் கைவசம் உள்ளன. 22 வயதிலேயே டூ பீஸ் ஆடை அணிந்து நடிக்க மாட்டேன் என்ற தைரியமாக சொன்ன கிருத்தி சனோன் இன்று பாலிவுட்டில் டாப் ஹீரோயின்களில் ஒருவராக ஜொலிப்பது அவரது திறமைக்கு கிடைத்த வெற்றியாகும் என ரசிகர்கள் பாராட்டுகின்றனர்.