மலையாளத்தில் அறிமுகமாகும் பிரபல நட்சத்திர தம்பதி மகள்… அம்மா இடத்துக்கு நானும் நிச்சயம் வருவேன் எனவும் சவால் விட்ட வாரிசு!

இயக்குனர் சுந்தர் சி – நடிகை குஷ்பு தம்பதியின் 2வது மகள் அவந்திகா விரைவில் சினிமாவில் அறிமுகமாகிறார். வெளிநாட்டில் நடிப்பு பயிற்சி பெற்று திரும்பிய அவர் ஆரம்பம் என்ற மலையாள படத்தின் மூலம் கதாநாயகி ஆகி இருக்கிறார். மேலும் தமிழில் டபுள் ஆக்குபன்சி என்ற படத்திலும் அவந்திகா நடித்து வருகிறார். இதுகுறித்து நடிகை அவந்திகா கூறியதாவது, நான் நடிகை ஆகிறேன் என்று சொன்னதும் அம்மாவும் அப்பாவும் எனக்கு முழு சுதந்திரம் கொடுத்தார்கள்.

சினிமா சாதாரண விஷயம் இல்லை; கொஞ்சம் கடினமானது, பார்த்துக்கொள் என்று மட்டும் அட்வைஸ் சொன்னார்கள். சில ஆண்டுகளுக்கு முன்பே நான் நடிக்க தயாராகி விட்டேன். உடம்பை ஸ்லிம்மாக்கி நடிப்பு பயிற்சி பெற்று தயாரான பிறகுதான் நடிக்க வாய்ப்பு தேடினேன். அப்பா அம்மா சொன்ன மாதிரி சினிமாவை சீரியஸாக எடுத்துக்கொண்டு வந்திருக்கிறேன். சில ஆண்டுகள் என்னை அம்மாவோடு ஒப்பிடுவார்கள். அதை தவிர்க்க முடியாது.

அம்மாவுக்கு கிடைத்த மாதிரியான கேரக்டர் எனக்கும் கிடைக்க வேண்டும். அவர் கொடுத்த உழைப்பு அக்கறையை நானும் கொடுக்க வேண்டும். அம்மாவின் ஜீன் என்னிடம் உள்ளது. நான் கடுமையாக உழைக்கும் போது அம்மாவின் இடத்திற்கு வர முடியும் என்று நினைக்கிறேன். அப்பா அம்மா என் விஷயத்தில் தலையிடாமல் சுதந்திரம் கொடுத்திருக்கிறார்கள். நானே கதை கேட்கிறேன். நானே முடிவு செய்கிறேன். மக்களுக்கு பிடித்த நடிகையாக வருவேன். அதற்காக கடினமாக உழைப்பேன் என்று அவந்திகா உறுதியாக கூறியிருக்கிறார்.