“வரலட்சுமிக்கு  கல்யாணம்-னு சொன்னவுடனே எனக்கு ரொம்ப…. ” வரலட்சுமி நிச்சயதார்த்தம் குறித்து மனம் திறந்து பேசிய நடிகர் விஷால்…

தமிழ் சினிமாவின்  முன்னணி நட்சத்திரமாக விளங்குபவர் நடிகர் விஷால். 2004 இல் வெளியான ‘செல்லமே’ திரைப்படத்தின் மூலம் ஹீரோவாக அறிமுகமானார். இதைத்தொடர்ந்து இவர்  நடிப்பில் வெளிவந்த பல படங்கள் சூப்பர் ஹிட் அடித்தது. இவர் நடிப்பில் இறுதியாக வெளியான மார்க் ஆண்டனி திரைப்படம் 100 கோடியை தாண்டி வசூலில் சாதனை படைத்தது.

இதற்கிடையே விஷால் நடிப்பது மட்டுமின்றி பல்வேறு நலத்திட்ட உதவிகளை செய்துவருகிறார்.குறிப்பாக ஆதரவு இல்லாத மாணவ, மாணவிகளின் கல்விக்கு தன்னால் என்ன முடியுமோ அதை தொடர்ந்து செய்துவருகிறார். அதேபோல் விவசாயிகள், ஏழைகள் உள்ளிட்டோருக்கும் தன்னால் ஆன உதவிகளை செய்துவருவது பாராட்டை பெற்றுவருகிறது.

ஆனால் நடிகர் விஷால் 40 வயதை நெருங்கியும் இன்னும் திருமணம் செய்துகொள்ளாமல் இருந்து வருகிறார்.  இடையில் ஒரு பெண்ணுடன் நிச்சயதார்த்தம் அவருக்கு நடந்தது. ஆனால் அது திருமணம்வரை செல்லவில்லை. சில வருடங்களுக்கு முன்பு விஷாலும், வரலட்சுமியும் காதலித்துவந்ததாகவும், திடீரென அவர்களது காதல் பாதியில் முடிந்துவிட்டதாகவும் கிசுகிசுக்கப்பட்டும் வந்தது. ஆனால் தற்பொழுது நடிகை வரலக்ஷ்மி நிக்கோலாய் என்பவரை திருமணம் முடிக்க உள்ளார். இவர்களது திருமணமும் விரைவில் நடைபெற உள்ளது.

இந்நிலையில் சமீபத்தில் பேட்டி ஒன்றில் கலந்துகொண்ட நடிகர் விஷாலிடம்  வரலட்சுமியின் நிச்சயதார்த்தம் குறித்து கேள்வி கேட்கப்பட்டது. அதற்கு பதிலளித்த அவர், ‘வரலட்சுமிக்கு திருமணம் னு சொன்னதும் நான் ரொம்ப happy ஆகிட்டேன். உண்மையில் அவரை நினைத்து நான் சந்தோஷப்படுகிறேன்.  வரலக்ஷ்மி மாதிரி போல்ட்-ஆன பொண்ண என் Life-ல பார்த்ததே  இல்ல. அவருடைய கெரியரை தாண்டி அடுத்த லெவலுக்கு அவரின் வாழ்க்கையை நகர்த்த ஆரம்பித்திருக்கிறார்’ என்று வரலட்சுமியின் திருமணம் குறித்து மனம் திறந்து மகிழ்ச்சியுடன் கூறியுள்ளார்.