நடிகர் விஜய் சேதுபதி நடிப்பில் வெளியாகி நல்ல வரவேற்பை பெற்று வரும் மகாராஜா திரைப்படத்தின் மூன்றாவது நாள் வசூல் குறித்த தகவல் வெளியாகியிருக்கின்றது.
விஜய் சேதுபதியின் ஐம்பதாவது திரைப்படமாக உருவான படம் மகாராஜா. இந்த திரைப்படம் கடந்த ஜூன் 14ஆம் தேதி 1915க்கும் மேற்பட்ட ஸ்கிரீன்களில் வெளியாகி நல்ல வரவேற்பை பெற்றிருந்தது. மேலும் குரங்கு பொம்மை என்ற திரைப்படத்தை இயக்கியிருந்த நித்திலன் சாமிநாதன் இப்படத்தை இயக்கியிருந்தார்.
விஜய் சேதுபதியுடன் இணைந்து திவ்யபாரதி, மம்தா மோகன்தாஸ், அனுராக் காஷ்யப், நட்டி, அபிராமி உள்ளிட்ட பல பிரபலங்கள் இப்படத்தில் நடித்திருந்தார்கள். ஹீரோவாக சிறந்த கம்பேக் திரைப்படமாக இப்படம் அமைந்திருந்தது. கடந்த சில ஆண்டுகளாகவே நடிகர் விஜய் சேதுபதி வில்லன் கதாபாத்திரங்களில் அதிக கவனம் செலுத்தி நடித்து வந்தார். அதாவது மாஸ்டர், விக்ரம் அதைத் தொடர்ந்து பாலிவுட் வெளியான ஜவான் உள்ளிட்ட திரைப்படங்களில் வில்லன் கதாபாத்திரத்தில் நடித்து வந்த இவர் மேலும் பிரபலமானார்.
ஜவான் திரைப்படத்திற்கு பிறகு மீண்டும் வில்லன் கதாபாத்திரத்தில் நடிக்க மாட்டேன் என்று கூறிவிட்டார். இதனால் ஹீரோவாக கமிட்டான விஜய் சேதுபதிக்கு இந்த திரைப்படம் மிகச்சிறந்த திரைப்படமாக அமைந்துள்ளது. இப்படம் வெளியாவதற்கு முன்னரே பிரீமியர் சோ வில் பாசிட்டிவான விமர்சனங்களை பெற்று வந்தது.
முதல் நாளே ஆன்லைனில் டிக்கெட் புக்கிங் முழுவதும் முடிவடைந்த நிலையில் பாக்ஸ் ஆபிஸில் விஜய் சேதுபதிக்கு இந்த திரைப்படம் மிகப்பெரிய அளவுக்கு கை கொடுத்திருக்கின்றது. இந்தியா முழுவதும் முதல் நாளில் ஐந்து கோடி வரை வசூல் செய்த இந்த திரைப்படம் உலக அளவில் 7 கோடி வரை வசூல் செய்திருந்தது. இந்நிலையில் மூன்று நாட்களில் உலக அளவில் மகாராஜா திரைப்படம் 25 கோடிக்கு மேல் வசூல் செய்துள்ளது.
இனிவரும் நாட்களில் இப்படம் எந்த அளவுக்கு வசூல் செய்ய போகிறது என்பதை பொறுத்திருந்து பார்ப்போம். ஏனென்றால் சனி, ஞாயிறு வார விடுமுறை என்பதால் திரையரங்குகளில் கூட்டம் நிரம்பி வழிந்தன. இனி வரப்போவது வார நாட்கள் என்பதால் படத்தின் வசூலில் சற்று தொய்வு ஏற்படும் என கூறப்படுகின்றது. இருப்பினும் இந்த திரைப்படம் கட்டாயம் 100 கோடி வசூல் செய்யும் என சினிமா பிரபலங்கள் பலரும் கூறி வருகிறார்கள்.
தமிழ் சினிமாவில் ஒரு காலத்தில் இளைஞர்களின் கனவு கன்னியாக வலம் வந்தவர் நடிகை சுனைனா. இவர் நகுலுக்கு ஜோடியாக காதலில்…
விஜய் டிவியில் ஒளிபரப்பாகும் பாக்கியலட்சுமி சீரியல் வெற்றிகரமாக ஓடிக் கொண்டிருக்கிறது. பாக்கியலட்சுமி சீரியல் ஒளிபரப்பாகி ஆண்டுகள் கடந்தும் சேனலின் இரண்டாவது…
தமிழ் திரைப்படத் துறையில் தனக்கென ஒரு தனி இடத்தை பிடித்தவர் பாரதிராஜா. கடந்த 1977-ஆம் ஆண்டு ரிலீசான 16 வயதினிலே…
சன் டிவியும், விஜய் டிவியும் போட்டுக் கொண்டு புது புது நிகழ்ச்சிகளை ஆரம்பித்தது. விஜய் டிவியில் ஒளிபரப்பான குக் வித்…
தமிழ் சினிமாவில் தனது மாறுபட்ட கெட் அப் மற்றும் நடிப்பால் ரசிகர்களை கட்டி போட்டவர் விக்ரம் இப்போது விக்ரம் பா.ரஞ்சித்…
சினிமாவில் முன்னணி நடிகராக வலம் வரும் ராகவா லாரன்ஸ். நடிப்பு மட்டுமில்லாமல் பிறருக்கு உதவி செய்யும் குணத்தால் மக்கள் மனதில்…