காசெல்லாம் குடிச்சே அழிச்சிட்டேன்.. லட்ச லட்சமா சம்பாதிச்சும் எந்த சந்தோசமும் இல்லை.. நடிகர் விதார்த் உருக்கம்..!

கடந்த 2010 ஆம் ஆண்டு இயக்குனர் பிரபு சாலமன் இயக்கத்தில் நடிகர் விதார்த், அமலாபால், தம்பி ராமையா மற்றும் பாஸ்கர் உள்ளிட்டோர் நடிப்பில் வெளியான திரைப்படம் தான் மைனா. தீபாவளி அன்று வெளியான இந்த திரைப்படத்திற்கு நேர்மறையான விமர்சனங்கள் கிடைத்ததுடன் 58 வது தென்னிந்திய ஃபிலிம் பேர் விருதில் சிறந்த திரைப்படத்திற்கான விருதும் வழங்கப்பட்டது. இந்த திரைப்படத்தின் தன்னுடைய அற்புதமான நடிப்பை நடிகர் விதார்த் வெளிப்படுத்தியிருந்தார். இந்தத் திரைப்படம் இவருடைய சினிமா வாழ்க்கையில் மிகப்பெரிய திருப்புமுனையாக இருந்தது என்று கூறலாம். 2001 முதல் சிறு வேடங்களில் நடித்து வந்த இவர் திருவண்ணாமலை திரைப்படத்தின் மூலமாக வில்லன் நடிகராக அறிமுகமானார். தொடர்ந்து இவர் கதாநாயகனாக மைனா திரைப்படத்தின் மூலம் தான் அறிமுகமானார்.

மேலும் இவர் மௌனம் பேசியதே, சண்டக்கோழி, கொக்கி, திருப்பதி, ராமன் தேடிய சீதை உள்ளிட்ட பல திரைப்படங்களில் நடித்துள்ளார்.  இந்த நிலையில் விதார்த் சமீபத்தில் அளித்த பேட்டி ஒன்றில் தான் சந்தித்த பல துயரமான சம்பவங்களை பகிர்ந்து கொண்டுள்ளார். அதில், எங்க அப்பா கஷ்டப்பட்டு உழைச்சதிலிருந்து வந்த காசை நான் குடித்து அழித்துவிட்டேன். அப்போ எங்க அப்பா மன கஷ்டத்தோட எங்க மாமா கிட்ட உட்கார்ந்து அழுதுகிட்டே இருந்தாரு. ஆனா என்கிட்ட எதுவுமே சொல்லல. அவருக்கு காசு போனத பத்தி பிரச்சனை இல்லை நான் குடித்து அதை அழிச்சிட்டேன்னு தான் அவர் ரொம்ப கஷ்டப்பட்டார்.

எங்க அப்பா சமையல் வேலை தான் செஞ்சாரு. முதலில் ஹோட்டலில் வேலை பார்த்துக் கொண்டிருந்த அவர் பிறகு கோவிலில் பிரசாதம் செய்து கொடுத்து வந்தார். எனக்கு முதலில் ஒரு 3000 ரூபாய் தான் சம்பளம். ஆனா இப்போ லட்ச கணக்கில் சம்பாதிக்கும் போது கூட அந்த 3000 ரூபாய் வாங்கின சந்தோஷம் இல்ல. எங்க வீட்ல என்னோட காஸ்டியூம் ரொம்ப கம்மியா தான் இருக்கும். நான் சின்ன வயசுல இருந்து கஷ்டத்தை பார்த்ததே இல்லை. ஆனால் சினிமா வாய்ப்புக்காக சென்னை வந்ததுக்கு அப்புறம் கோடம்பாக்கம் பார்க்கல ஆறு மாசமா தங்கியிருந்தேன். பப்ளிக் பாத்ரூம்ல குளிச்சிட்டு அப்படியே சுத்திட்டு இருந்தேன்.

இதெல்லாம் எங்க வீட்ல இருக்கவங்களுக்கு தெரியாது. எங்க அப்பா சிங்கப்பூர்ல இருந்து கொண்டு வந்தா ஒட்டுமொத்த காசையும் நான் குடிச்சு அழிச்சிட்டேன் எங்க அப்பா அழுததால அன்னையிலிருந்து நான் எங்க வீட்ல காசு வாங்கவே இல்ல. ரொம்பவே எனக்கு கஷ்டமா இருந்துச்சு. இப்போ லட்ச லட்சமா சம்பாதிச்சோம் எந்த சந்தோசமும் இல்லை என்று விக்ராந்த் உருக்கமாக பேசியுள்ளார்.