அடேங்கப்பா., இது நம்ம லிஸ்ட்லே இல்லையே.. வடிவேலுக்கு ஜோடியாகும் திருமணமாகாத 50 வயது 90s நடிகை..

மாமன்னன் வெற்றி படத்தை தொடர்ந்து வடிவேலு மற்றும் ஃபஹத் பாசிலும் மீண்டும்  திரைப்படத்தில் இணைந்துள்ளார்கள்  என்ற தகவல் நியூ இயர் ஸ்பெஷலாக வெளிவந்தது. பெயரே வைக்காத இந்தத் திரைப்படத்தின் படபிடிப்பு பிப்ரவரி மாதம் தொடங்கும் என அறிவிக்கப்பட்டுள்ளது.

95 ஆவது படமாக சூப்பர் குட் லிங்க் தயாரிக்கும் இந்த படத்தை இயக்குனர்  கிருஷ்ணமூர்த்தி  உருவாக்க உள்ளதாக தெரிவித்து இருந்தார்கள்; இந்த படத்தில்  வடிவலுவிற்கு ஜோடியாக 90 கிட்ஸ்  ஃபேவரட் நடிகை இணைகிறார் என்ற செய்தி மக்களிடையே வெகுவாக பரவி வருகிறது.
அரசியல் கட்சிக்காக பேசிய வடிவேலுவிற்கு ரெட் கார்ட் கொடுத்து திரை துறையினர் ஒதுக்கி வைத்திருந்த நிலையில் நாய் சேகர் திரைப்படத்தின் மூலம் ரீ என்ட்ரி கொடுத்தார்.

மேலும் மாமன்னன் திரைப்படத்தில் நடித்ததன் மூலமாகவே வடிவேலுவிற்கு திரைத் துறையில் கம்பேக் கிடைத்தது; இந்த படம் அரசியல் கட்சியை மையமாகக் கொண்டு எடுக்கப்பட்டது. இந்த படத்தில் வடிவேலும் காமெடியாக நடிக்காமல் சீரியசான ஆக்டிங்கில் இறங்கினார். வடிவேலுவிற்கு வில்லனாக  ஃபஹத் பாசில்  மிகக் கச்சிதமான நடிப்புடன் நடித்து மக்கள் மனதில் பதிந்தார். இவர்களோடு இணைந்து நடிகர் உதயநிதி ஸ்டாலினும் மற்றும் நடிகை கீர்த்திசுரேஷ் நடித்துள்ளார்கள்.

இப்படம் பல்வேறு விமர்சனத்தை பெற்றிருந்தாலும் மக்கள் மத்தியில் நல்ல வரவேற்பை ஏற்படுத்தி உள்ளது.  மாமன்னனில் மாஸ் காட்டிய வடிவேலு, ஃபஹத் பாசில் கூட்டணி மீண்டும் ஒரு படத்தில் இணைந்துள்ளது.  சூப்பர் குட் ஃபிலிம்ஸ் தயாரிப்பில் 98வது படமாக உருவாகும் இந்த படத்தை இயக்குனர் கிருஷ்ண மூர்த்தி இயக்கத்தில்; யுவன் சங்கர்ராஜா இசையமைப்பில் உருவாக்கப்பட்டுள்ளது.

50 வயதை கடந்த நிலையிலும் கல்யாணம் பண்ணாமல் சிங்கிளாக இருக்கும் நடிகை சித்தாரா 90 கிட்ஸ் பேவரைட் நடிகையாக கொடிகட்டி பறந்தவர்.  இப்படத்தில் வடிவேலுக்கு ஜோடியாக நடிக்கவுள்ளதாக தகவல் வெளியானது. இவர் தமிழ், தெலுங்கு, கன்னடம், மலையாளம் போன்ற மொழிகளில் பல படங்களில் நடித்துள்ளார். தமிழில் புதுபுது அர்த்தங்கள், புது வசந்தம், புரியாத புதிர் போன்ற படங்கள் சித்தாராவுக்கு ஏராளமான ரசிகர்களை பெற்றுக் கொடுத்தது. ஆரம்பத்தில் நாயகியாக நடித்து வந்த அவர், பின்னர் ஹீரோக்களின் தங்கை வேடங்களில் நடித்தார். தற்போது சன் டிவியில் ஒளிபரப்பாகும் பூவா தலையா சீரியலில் நடித்து வருகிறார்.

வடிவேலு, ஃபஹத் பாசில் இணையும் இந்தப் படம் ரோட் ட்ரிப் ஜானரில் காமெடிக்கு முக்கியத்துவம் கொடுத்து உருவாகியுள்ளது. அதாவது வடிவேலுவும் ஃபஹத் பாசிலும் ஒன்றாக பயணம் செல்வது போலவும், அப்போது அங்கு நடக்கும் சம்பவங்கள்  தான் படமாக எடுக்கப்பட்டுள்ளது என சினிமாத்துறை  வட்டாரங்கள் தெரிவிக்கின்றன.