சூர்யாவுக்கு முன்னாடி எந்த நடிகர் சினிமாவுல அதை பண்ணி இருக்காரு?.. அவன் ஜாதகத்திலேயே அது இருந்துச்சு.. மேடையில் எமோஷனலான சிவகுமார்..!

கார்த்திக் சுப்புராஜ் இயக்கத்தில் சூர்யா மற்றும் பூஜா ஹெக்டே நடிப்பில் உருவாகியுள்ள திரைப்படம் தான் ரெட்ரோ. இந்தத் திரைப்படம் வருகின்ற மே 1ஆம் தேதி திரையரங்குகளில் வெளியாக உள்ள நிலையில் இந்த படத்திற்கு சந்தோஷ் நாராயணன் இசை அமைத்துள்ளார். இந்த படத்தில் கண்ணாடிப் பூவே மற்றும் கனிமா ஆகிய பாடல்கள் வெளியாகி மிகப்பெரிய ஹிட் அடித்துள்ளது. மேலும் சில படங்கள் நேற்று நடைபெற்ற ஆடியோ வெளியீட்டு விழாவில் வெளியாகியது. மேலும் படத்தில் அதிரடியான ட்ரெய்லரும் நேற்று வெளியானது.

கங்குவா திரைப்படத்தின் இசை வெளியீட்டு விழா கடைசியாக இதே நேரு ஸ்டேடியத்தில் தான் நடைபெற்றது. ஆடியோ லான்ச் டிக்கெட்டை எடுத்து வைத்துக் கொள்ளுங்கள் வெற்றி விழாவுக்கு அதையே கொண்டு வந்து உள்ளே வரலாம் என்று பேசியது படம் வெளியானதும் பயங்கர ட்ரோல் ஆனது. இந்த நிலையில் ரெட்ரோ படம் கண்டிப்பாக அந்த ட்ரோல்களுக்கு எல்லாம் பதில் அடி கொடுக்கும் என்று தெரிகின்றது. நடிகர் சூர்யாவின் தந்தையும் தமிழ் சினிமாவின் மார்க்கண்டேயர் என்று அழைக்கப்படும் நடிகர் சிவக்குமார் நேற்று ஆடியோ வெளியீட்டு விழாவில் மேடை ஏறி பேசினார். அதில், சூர்யாவிற்கு சினிமாவில் பெரிதாக நாட்டம் கிடையாது. கார்மெண்ட்ஸ் கம்பெனியில் தான் வேலை பார்த்துக் கொண்டிருந்தார்.

ஒருமுறை என்னோட நண்பர் வீட்டிற்கு வந்தபோது அவர் ஜோசியர் என்பதால் சூர்யா மற்றும் கார்த்தியின் ஜாதகத்தை பார்த்து சூர்யா சினிமாவில் கலக்குவார் என்று கூறினார். உடனே அவனுக்கு சினிமாவில் நடிக்கிற இன்ட்ரஸ்ட் இல்ல என்று கூறினேன். பிறகு இயக்குனர் வசந்த் ஒருமுறை விமான நிலையத்தில் சூர்யாவை சந்தித்த நிலையில் போட்டோ டெஸ்ட் பண்ணனும் என்றார். 200 சதவீதம் நம்பிக்கை இருக்கு சூர்யா நல்லா பண்ணுவார் என்று நேருக்கு நேர்படத்தில் நடிக்க வச்சாரு. அதன் பிறகு ஒவ்வொரு இயக்குனரும் சூர்யாவை செதுக்கி இன்று இந்த இடத்திற்கு கொண்டு வந்துள்ளனர். 22 வயசு வரைக்கும் சூர்யா என்னோட ஷூட்டிங் வந்து பார்த்தது கிடையாது. சூர்யா படத்தில் நடித்தார்.

சூர்யாவின் கண்கள் பல பெண்களின் தூக்கத்தை கெடுக்க போவது என்று சொன்னாங்க. என் மகனை நடிகனாகிய மணிரத்தினம் வசந்த் பாதம் தொட்டு வணங்குகிறேன். முழுமையான நடிகனாக வேண்டும் என்பதற்காக தினமும் நடனத்துக்கும் சண்டைக்கும் பயிற்சி எடுத்துக் கொள்வார். நான்கு மணி நேரம் ஜீன்ஸ் அணிந்து கொண்டு நடனப் பயிற்சி செய்வார். பீச்சில் சண்டை மாஸ்டர்களுடன் மணிகணக்காக பயிற்சி எடுத்துக் கொண்டார். சூர்யாவுக்கு முன்னாடி சினிமாவுல எந்த நடிகர் சிக்ஸ் பேக் வைத்திருக்கார் என்று தனது மகன் குறித்து சிவகுமார் உணர்ச்சி பொங்க பேசினார். தன்னை பற்றி அப்பா பெருமையோடு பேசுவதை கேட்டு நடிகர் சூர்யா கண்கலங்கியபடி அமர்ந்திருந்தார்.