எனக்குன்னு சொந்தமா வீடு, நிலம் கூட இல்ல.. இதுவரைக்கும் நா சம்பாரிச்ச பணத்தை.. மனம் திறந்த சித்தார்த்..!

தமிழ் சினிமாவில் வளர்ந்து வரும் நடிகர்களில் ஒருவராக இருந்து வருபவர் தான் நடிகர் சித்தார்த். இவருடைய நடிப்பில் கடந்த ஆண்டு வெளியான சித்தா திரைப்படம் மிக சிறந்த படமாக மாறியது. தானே தயாரித்து நடித்த சித்தார்த்துக்கு நல்ல லாபத்தை அந்த திரைப்படம் பெற்று தந்தது. அதன் பிறகு இந்த ஆண்டு சித்தார்த் நடிப்பில் வெளியான இந்தியன் 2 திரைப்படம் அதிக அளவிலான ட்ரோல்களை சந்தித்தது. இதனை தொடர்ந்து செவன் மைல்ஸ் பெர் செகண்ட் நிறுவனம் சார்பாக சாமுவேல் மேத்யூ தயாரிப்பில், சித்தார்த், ஆஷிகா ரங்கநாத் நடிப்பில் தயாராகியுள்ள திரைப்படம் missyou .

இயக்குனர் ராஜசேகர் இந்த படத்தை இயக்கியுள்ளார். ஜே.பி, பொன்வண்ணன், கருணாகரன், நரேன், அனுபமா, ரமா, பாலசரவணன், ‘லொள்ளு சபா’ மாறன், சஸ்டிகா உள்ளிட்ட பலரும் முக்கியப் பாத்திரங்களில் நடித்துள்ளார்கள். ஜிப்ரான் இசையமைக்கும்  இப்படம் நவம்பர் 29 ஆம் தேதி திரையரங்குகளில் வெளியாகும் என்று அறிவிக்கப்பட்டது.  இப்படத்தை ரெட் ஜெயண்ட் மூவிஸ் வாங்கியுள்ளது. தற்போது படத்திற்கான புரொமோஷன் பணிகள் நடந்து வருகிறது.

இந்நிலையில் சமீபத்தில் அளித்த பேட்டி ஒன்று தற்போது இணையத்தில் வைரலாகி வருகிறது. அந்தப் பேட்டியில், இப்ப இருக்க இளைஞர்கள் யாராவது சினிமாவுக்கு வரேன்னு சொன்னா கண்டிப்பா நான் வேண்டான்னு தான் சொல்லுவேன். மியூசிக் கூட பண்ணிட்டு போயிடலாம் ஆனா நடிக்க வேண்டாம் என்று தான் நான் சொல்லுவேன். 22 வருஷத்துல நான் கருப்பு பணத்தை தொட்டதே கிடையாது. எங்கிட்ட நிலம் மற்றும் வீடு என எதுவுமே இல்ல. எல்லாமே என்னுடைய சேமிப்பு மட்டும்தான். இதுவரைக்கும் எனக்கு சொந்த வீடு கிடையாது. என்கிட்ட ஒண்ணுமே இல்ல. நான் ஒரு self funding ப்ரொடியூசர். சித்தா படத்திற்கான ஒவ்வொரு பைசாவும் நான் கஷ்டப்பட்டு சம்பாதித்த பணம். அத போட்டு தான் படம் எடுத்தேன். சினிமாவில் இருந்து வந்தது சினிமாவுக்குள்ள தான் போகணும். எனக்குன்னு ஒண்ணுமே இல்லை என்ற சித்தார்த்த பேசி உள்ளார்.