காலையிலேயே சோகம்…. காந்தியாக வாழ்ந்த மூத்த நடிகர் சாம் டஸ்டர் காலமானார்… திரையுலகம் கண்ணீர் அஞ்சலி….!

மும்பையின் பார்சி குடும்பத்தில் பிறந்து, பிரிட்டன் திரையுலகிலும் நாடக மேடைகளிலும் புகழ்பெற்ற பிரிட்டிஷ் இந்திய நடிகரான சாம் டஸ்டர் (84) காலமானார் என்ற செய்தி திரையுலகினரையும் ரசிகர்களையும் சோகத்தில் ஆழ்த்தியுள்ளது.

மகாத்மா காந்தியின் பிறந்தநாளான அக்டோபர் 2-ஆம் தேதியன்றே பிறந்த இவர், ‘லார்ட் மவுண்ட்பேட்டன்: தி லாஸ்ட் வைஸ்ராய்’ மற்றும் ‘ஜின்னா’ போன்ற வரலாற்றுச் சிறப்புமிக்க திரைப்படங்களில் காந்தி அடிகளின் கதாபாத்திரத்தில் தத்ரூபமாக நடித்து அனைவரின் பாராட்டையும் பெற்றவர். ஆஸ்கர் விருது வென்ற புகழ்பெற்ற ‘காந்தி’ திரைப்படத்திலும்கூட முதன்முதலில் இவரே காந்தியாக நடிப்பதாக இருந்தது என்பது குறிப்பிடத்தக்கது. திரைத்துறையில் தனக்கெனத் தனிமுத்திரை பதித்த இம்மாபெரும் கலைஞனின் மறைவுக்குத் திரையுலகினரும் ரசிகர்களும் தங்களது ஆழ்ந்த இரங்கல்களைத் தெரிவித்து வருகின்றனர்.