‘நாங்கள் அடைந்த மகிழ்ச்சியை சொல்ல வார்த்தை இல்லை’.. மகளின் திருமண வீடியோவை வெளியிட்டு நெகிழ்ந்த தந்தை அர்ஜுன்..!

நடிகர் அர்ஜுன் தனது மகள் ஐஸ்வர்யா மற்றும் உமாபதியின் திருமணம் தொடர்பான வீடியோவை தனது சமூக வலைதள பக்கத்தில் வெளியிட்டு இருக்கின்றார். இந்த வீடியோ தற்போது இணையத்தில் வெளியாகி வைரலாகி வருகின்றது.

தமிழ் சினிமாவில் ஆக்சன் கிங் என்று அனைவராலும் அழைக்கப்பட்டு வருபவர் நடிகர் அர்ஜுன். இவரது மூத்த மகள் ஐஸ்வர்யா நடிகர் தம்பிராமையாவின் மகனான உமாபதியை காதலித்து வந்த நிலையில் இருவீட்டார் சம்மதத்துடன் சில மாதத்திற்கு முன்பு நடிகர் அர்ஜுன் கெருகம்பாக்கத்தில் கட்டி இருக்கும் ஆஞ்சநேயர் கோயிலில் உறவினர்கள் மற்றும் நண்பர்கள் முன்பு மிகவும் எளிமையாக நிச்சயதார்த்தம் நடைபெற்ற முடிந்தது.

இது தொடர்பான புகைப்படங்கள் கூட இணையத்தில் வெளியாகி வைரலாகி வந்தது. அதையடுத்து அர்ஜுன் பல படங்களில் பிஸியாக நடித்து வந்த காரணத்தினால் ஜூன் மாதம் திருமணம் செய்ய முடிவு செய்திருந்தார்கள். அதன்படி ஜூன் 10ஆம் தேதி இவர்களது திருமணம் அதே ஆஞ்சநேயர் கோயிலில் மிகச் சிறப்பாக நடந்து முடிந்தது.

நடிகர் அர்ஜுன் குடும்பத்தினரும் தம்பி ராமையாவின் குடும்பத்தினரும் பல பிரபலங்களின் வீடுகளுக்கு சென்று திருமண பத்திரிகையை கொடுத்து வந்தார்கள். அந்த வகையில் கடந்த இரண்டு தினங்களுக்கு முன்பு மிகப்பிரமாண்டமாக திருமணம் நடைபெற்று முடிந்தது. இந்த திருமணத்தில் நடிகர் விஷால், நடிகர் விஜயகுமார், கேஸ் ரவிக்குமார், சமுத்திரகனி உள்ளிட்ட பல பிரபலங்கள் கலந்து கொண்டனர்.

மற்ற பிரபலங்கள் அனைவரும் ரிசப்ஷன் நிகழ்ச்சியில் கலந்து கொள்வார்கள் என எதிர்பார்க்கப்படுகின்றது. இவர்களின் திருமணம் தொடர்பான புகைப்படங்கள் இணையத்தில் வெளியாகி வைரலாகி வந்தது. நடிகர் அர்ஜுன் 1988 ஆம் ஆண்டு நிவேதிதா என்பவரை திருமணம் செய்து கொண்டார். இந்த தம்பதிகளுக்கு பிறந்த மகள்கள் தான் ஐஸ்வர்யா மற்றும் அஞ்சனா.

இதில் அர்ஜுனின் மூத்த மகள் ஐஸ்வர்யா தான் சினிமாவில் ஒரு சில திரைப்படங்களில் நடித்திருந்தார். விஷால் நடிப்பில் வெளியான பட்டத்து யானை என்ற திரைப்படத்தின் மூலமாக தமிழ் சினிமாவிற்கு அறிமுகமான இவருக்கு எதிர்பார்த்த அளவுக்கு படங்கள் அமையவில்லை. இதனால் தற்போது தனது காதலர் உமாபதியை திருமணம் செய்து கொண்டார். இவரின் திருமணம் தொடர்பான வீடியோவை நடிகர் அர்ஜுன் தனது சமூக வலைதள பக்கத்தில் பகிர்ந்து இருக்கின்றார். இந்த வீடியோ தற்போது வைரலாகி வருகின்றது.