முடியவே முடியாது…! அஜித் கால்ஷீட்டுக்கு காத்திருக்கும் தயாரிப்பாளர்கள்…! விடாப்பிடியாக நிற்கும் ஏஜிஎஸ்…. அடுத்து என்னாகுமோ…!!

நடிகர் அஜித், தனது ‘குட் பேட் அக்லி’ படத்திற்குப் பிறகு, இயக்குநர் ஆதிக் ரவிச்சந்திரனுடன் மீண்டும் இணையவிருப்பது தான் அவரது 64வது படமாக இருக்கும் என்று எதிர்பார்க்கப்படுகிறது. கார் பந்தயத்தில் இருந்து ஒரு சிறிய இடைவெளிக்குப் பின், தற்போது நடிப்பதில் கவனம் செலுத்த அஜித் தயாராக இருக்கிறார். ஆரம்பத்தில் இந்தப் படத்தை மைத்திரி மூவி மேக்கர்ஸ் நிறுவனம் தயாரிக்கவிருந்தது. ஆனால், சில கருத்து வேறுபாடுகள் காரணமாக அந்நிறுவனம் விலகியதால், அடுத்த கட்ட அறிவிப்புகள் தாமதமாகி வருகின்றன.

இந்தப் படம் குடும்பங்களைக் கவரும் ஒரு பொழுதுபோக்குத் திரைப்படமாக அமையும் என ஆதிக் ரவிச்சந்திரன் ஏற்கனவே தெரிவித்திருந்தார். தற்போது இந்தப் படத்தைத் தயாரிக்க ஏஜிஎஸ் என்டர்டெயின்மென்ட் நிறுவனம் முன்வந்துள்ளதாகத் தெரிகிறது. தயாரிப்புச் செலவுகளைக் கவனமாகக் கணக்கிட்ட பிறகே நடிகர்களுக்குச் சம்பளம் நிர்ணயிக்கும் ஏஜிஎஸ் நிறுவனம், அஜித்துக்கான சம்பளத்தை ஆராய்ந்து பார்த்துள்ளது.

அவர்களின் பட்ஜெட் கணக்கின்படி அஜித்துக்கு ₹70 கோடியிலிருந்து ₹80 கோடி வரை மட்டுமே கொடுக்க முடியும் எனக் கூறியுள்ளார்கள். ஆனால், நடிகர் அஜித்தின் எதிர்பார்ப்போ ₹185 கோடியாக இருப்பதாகத் தகவல் வெளியாகி இருக்கிறது. அஜித்தின் தேதிகளுக்காகப் பல தயாரிப்பாளர்கள் காத்திருக்கும் நிலையிலும், தாங்கள் வகுத்த விதிகளில் சமரசம் செய்ய மாட்டோம் என்பதில் ஏஜிஎஸ் நிறுவனம் உறுதியாக நிற்பதால், இந்தப் படம் குறித்த அதிகாரபூர்வ அறிவிப்பு வெளியாகாமல் தாமதமாகிறது.