பாலாவ வச்சு படம் எடுத்தா சம்பாதிக்க முடியாதுன்னு தெரியும்… இருந்தும் அந்த படத்த தொடங்குனேன்… பிரபல தயாரிப்பாளர் பகிர்ந்த தகவல்!

தமிழ் சினிமாவில் தன்னுடைய கதைகளில் ரௌத்திரத்தை ஏற்றி பார்வையாளர்களை திகைத்துப் போக வைக்கும் படங்களை எடுத்தவர் இயக்குனர் பாலா. அவர் இயக்கிய சேது, பிதாமகன், நான் கடவுள் போன்ற படங்கள் அவற்றின் உருவாக்கத்தால் இன்றளவும் எட்ட முடியாத உயரத்தில் இருக்கின்றன.

அவர் படங்களில் நடித்த பின்னர்தான் விக்ரம், சூர்யா மற்றும் ஆர்யா ஆகியோர் தமிழ் சினிமாவில் குறிப்பிடத்தக்க இடத்தை பிடித்தனர். அதனால் அவர் இயக்கத்தில் நடிக்க வேண்டும் என்பதில் பல இளம் ஹீரோக்கள் ஆர்வமாக இருந்தார்கள். அவர் படங்களில் கதாநாயகர்கள் பெரிய அளவுக்கு உயர்ந்தாலும், கதாநாயகிகள் போன இடம் தெரியாமல் காணாமல் போனார்கள்.

இயக்குனர் பாலாவுக்கு சமீபகாலமாக திரைவாழ்க்கை சிறப்பாக அமையவில்லை. அவர் இயக்கிய தாரை தப்பட்டை படம் அட்டர் ப்ளாப் ஆனது. வர்மா படம் அவர் இயக்கியது பிடிக்கவில்லை என்று மீண்டும் வேறொரு இயக்குனரால் இயக்கப்பட்டது. அதே போல சூர்யாவை வைத்து அவர் முதலில் இயக்கிய வணங்கான் படத்தில் இருந்து வெளியேறினார். இதையடுத்து அருண் விஜய்யை வைத்து அவர் வணங்கான் படத்தை ரிலீஸ் செய்துள்ளார். அந்த படம் சுமாரான வெற்றியைப் பெற்றுள்ளது.

என்னதான் பாலாவின் படங்கள் பாராட்டுகளைக் குவித்தாலும் அவரது பெரும்பாலான படங்கள் வணிக வெற்றியைப் பெறுவதில்லை. சேது, பிதாமகன், அவன் இவன் போன்ற வெகு சில படங்களே வணிக ரீதியாகவும் வெற்றி பெற்றவை. இந்நிலையில் பாலாவை வைத்து நான் கடவுள் படத்தைத் தொடங்கியவரும், பின்னர் வெளியேறிவருமான தயாரிப்பாளர் பி எல் தேனப்பன் ஒரு தகவலைப் பகிர்ந்துள்ளார்.

அவர் அளித்த ஒரு நேர்காணலில் “பாலாவை வைத்து படம் எடுத்தால் லாபம் சம்பாதிக்க முடியும் என்று எனக்குத் தெரியும். இருந்தாலும் ஒரு நல்ல படம் தயாரித்தோம் என்ற பேர் கிடைக்கும் என்பதற்காகதான் நான் ‘நான் கடவுள்’ படத்தைத் தயாரிக்க முன்வந்தேன். ஆனால் பட்ஜெட் எங்கோ எகிறியதால் நான் அதில் இருந்து வந்துவிட்டேன். அதில் எனக்கும் பாலாவுக்கும் நிறைய பிரச்சனை. ஆனால் இப்போது கூட பாலா கூட சேர்ந்து ஒரு படம் பண்ணவேண்டும் என்ற ஆசை உள்ளது” எனப் பேசியுள்ளார்.