தாய் மாமனாக விஷ்ணு விஷால் மகளுக்கு பெயர் சூட்டிய ஆமிர் கான்.. வைரலாகும் புகைப்படங்கள்..!

வெண்ணிலா கபடி குழு திரைப்படம் மூலமாக தமிழ் சினிமாவில் நடிகராக அறிமுகமானவர்தான் விஷ்ணு விஷால். இதைத்தொடர்ந்து பலே பாண்டியா, துரோகி, குள்ளநரி கூட்டம், நீர்ப்பறவை, முண்டாசுப்பட்டி, ஜீவா மற்றும் ராட்சசன் என்று ஏராளமான திரைப்படங்களில் நடித்துள்ளார். இறுதியாக விஷ்ணு விஷால் லால் சலாம் திரைப்படத்தில் நடித்திருந்தார்.

நீர்ப்பறவை திரைப்படத்தில் துறை இயக்குனராக பணியாற்றிய துணை இயக்குனரும் தன்னுடைய நெருங்கிய தோழியுமான இயக்குனர் நடராஜின் மகளை காதலித்து திருமணம் செய்து கொண்டார்.

பிறகு இருவரும் கருத்து வேறுபாடு காரணமாக 2018 ஆம் ஆண்டு விவாகரத்து பெற்ற பிரிந்து விட்டனர். இதனை தொடர்ந்து பேட்மிட்டன் வீராங்கனை ஜுவாலா கட்டாவை கடந்த 2021 ஆம் ஆண்டு விஷ்ணு விஷால் திருமணம் செய்து கொண்டார்.

ஏற்கனவே முதல் மனைவியான ரஜினி மூலம் விஷ்ணு விஷாலுக்கு ஆரியன் என்ற ஆண் குழந்தை உள்ள நிலையில் தற்போது ஜுவாலா கட்டா மற்றும் விஷ்ணு விஷாலுக்கு கடந்த ஏப்ரல் மாதம் அழகிய பெண் குழந்தை பிறந்தது.

இதனை தொடர்ந்து ஹைதராபாத்தில் தனது மகளின் பெயர் சூட்டும் விழாவை விஷ்ணு விஷால் நேற்று கொண்டாடினார். தனது மகளுக்கு மிரா என்று விஷ்ணு விஷால் பெயர் சூட்டியுள்ளார். மிரா என்பதற்கு அளவுகடந்த அன்பு மற்றும் அமைதி என்று பொருள்.

இந்த நிகழ்வில் பாலிவுட் நடிகர் அமீர் கான் கலந்து கொண்டார். தாய் மாமனாக இருந்து விஷ்ணு விஷால் மகளுக்கு பெயர் சூட்டினார். அது தொடர்பான புகைப்படங்கள் தற்போது இணையத்தில் வைரலாகி வருகிறது.