“பணி நேரத்திற்கு பிறகும் மெசேஜ் வருது… அப்புறம் எதுக்கு இந்த முறை..?” கார்ப்பரேட் கலாச்சாரத்தை விமர்சித்த இளம்பெண்… விவாதத்தை கிளப்பிய இன்ஸ்டாகிராம் பதிவு…!!

கார்ப்பரேட் நிறுவனங்களில் ஊழியர்களின் வருகையைப் பதிவு செய்யப் பயன்படும் பஞ்ச்-இன், பஞ்ச்-அவுட் முறையைக் கடுமையாக விமர்சித்து மார்க்கெட்டிங் துறையில் பணியாற்றி வரும் தாஷி துக்ரால் என்பவர் வெளியிட்டுள்ள இன்ஸ்டாகிராம் பதிவு வைரலாகி வருகிறது. அவர் தனது பதிவில், “தொழிற்சாலை தொழிலாளர்கள் அல்லது தினசரி கூலித் தொழிலாளர்களுக்கு இந்த முறை சரியாக இருக்கலாம். ஆனால், அலுவலகப் பணிகளில் இருக்கும் ஊழியர்களின் திறமையையும் செயல்திறனையும் அவர்கள் அலுவலகத்தில் செலவிடும் நேரத்தைக் கொண்டு அளவிடக் கூடாது.

https://www.instagram.com/reel/Dc_3dlwRY_u/?utm_source=ig_web_copy_link&stkn=NTc4MTIwNjQ2YQ==

அலுவலக நேரத்தைத் தாண்டியும் வாட்ஸ்அப்பில் வேலை சார்ந்த செய்திகளை அனுப்பும் நிறுவனங்கள், பஞ்ச்-இன் பஞ்ச்-அவுட் முறையைக் கட்டாயப்படுத்துவது முட்டாள்தனமானது” என்று குறிப்பிட்டுள்ளார். இவரது இந்தப் பதிவிற்கு சமூக வலைத்தள பயனர்கள் பலரும் ஆதரவாகவும் எதிராகவும் கருத்து தெரிவித்து வருகின்றனர். சிலர், “வேலை நேரம் முடிந்ததும் ஊழியர்களைத் தொடர்புகொள்வதைத் தடுக்கும் சட்டங்கள் வர வேண்டும்” எனக் கூறியுள்ளனர். அதேவேளையில் எச்.ஆர் துறையைச் சேர்ந்த சிலர், “முடிவுகளை மையமாகக் கொண்டு இயங்கும் நிறுவனங்களில் பணி நேரத்தைக் கணக்கிடுவது தவறானதுதான்” என ஆதரவு தெரிவித்துள்ளனர்.