Work From Home இல்ல… இனி ‘Work From Desert’! மேலாளருக்கு அல்வா கொடுத்துவிட்டு பாலைவனத்தில் வேலை செய்த ஊழியர்… வைரலாகும் வீடியோ..!

தொலைதூரப் பணி மற்றும் ‘வீட்டிலிருந்தே வேலை’ கலாச்சாரம் ஊழியர்களுக்கு எங்கிருந்து வேண்டுமானாலும் பணிபுரியும் சுதந்திரத்தை வழங்கியுள்ளது. இருப்பினும், சமீபத்தில் இணையத்தில் வைரலாகி வரும் ஒரு வீடியோ, இந்தத் தொழில்நுட்பச் சுதந்திரத்தை அடுத்த கட்டத்திற்கு எடுத்துச் சென்றுள்ளது. நியூயார்க்கைச் சேர்ந்த Content Creator சாத் அக்தர் என்பவர் தனது இன்ஸ்டாகிராம் பக்கத்தில் பகிர்ந்துள்ள ஒரு வீடியோவில், நபர் ஒருவர் எடாரியில் மீது சவாரி செய்துகொண்டே தனது மடிக்கணினியைத் திறந்து அலுவலகப் பணியில் தீவிரமாக ஈடுபட்டுள்ளார்.

அந்த வீடியோவில், அந்த நபர் ஒட்டகத்தின் திமிலின் மீது லேப்டாப்பைச் சமநிலைப்படுத்தி, அலுவலக மீட்டிங் ஒன்றில் முழு கவனத்துடன் பங்கேற்பது போலக் காட்சியளிக்கிறது. மேலும், அந்த வீடியோவின் மேல், “அவன் தன் மேலாளரிடம் வீட்டிலிருந்து வேலை செய்வதாகக் கூறினான்” என்ற வேடிக்கையான வாசகமும் இடம் பெற்றுள்ளது. எடாரியின் எல்லையற்ற மணல் பரப்பிற்கு நடுவே, ஒரு நபர் கார்ப்பரேட் மீட்டிங்கில் கலந்துகொள்ளும் இந்த அசாதாரண காட்சி நெட்டிசன்களை வியப்பில் ஆழ்த்தியுள்ளது.

இந்த வீடியோ சமூக வலைதளங்களில் மிக வேகமாகப் பரவி, நெட்டிசன்களிடையே பெரும் விவாதத்தையும் நகைச்சுவையான கமெண்டுகளையும் கிளப்பியுள்ளது. சிலர் இதை “வேலையை எங்கிருந்து வேண்டுமானாலும் செய்யலாம்” என்ற தற்போதைய ட்ரெண்டின் உச்சக்கட்டம் என்று பாராட்டியுள்ளனர். அதே சமயம், “எடாரியின் நடுவே இவருக்கு எப்படி இணைய இணைப்பு கிடைக்கிறது? பையில் ஸ்டார்லிங்க் வைத்துள்ளாரா?” என்றும், “அலுவலகத்தின் டெட்லைன்களில் இருந்து தப்பிக்க எடாரிக்குச் சென்றாலும் தப்பிக்க முடியாது போல” என்றும் நெட்டிசன்கள் பலவாறாகக் கிண்டல் செய்து வருகின்றனர்.