உஷார்..! காரில் IPL மேட்ச் பார்த்துக்கொண்டே சென்ற இளைஞர்… எமன் போல காத்திருந்த கிணறு… நொடியில் பறிபோன உயிர்..!!!

தெலங்கானா மாநிலம் ஜக்தியால் மாவட்டம் மொராபெல்லி அருகே காரில் சென்றுகொண்டே மொபைலில் ஐபிஎல் இறுதிப்போட்டியைப் பார்த்ததால் நேரிட்ட விபத்தில் வாலிபர் ஒருவர் பரிதாபமாக உயிரிழந்தார். அருண் என்ற இளைஞர் தனது நண்பர்களான நிவேஷ் மற்றும் அஸ்வின் ஆகியோருடன் காரில் பயணம் செய்துள்ளார். அப்போது, காரை ஓட்டிக்கொண்டே மொபைல் போனில் ஐபிஎல் கிரிக்கெட் இறுதிப்போட்டியை தீவிரமாகக் கவனித்ததால், எதிர்பாராதவிதமாக வாகனம் அவரது கட்டுப்பாட்டை இழந்தது. கணநேர கவனச்சிதறலால் கார் சாலையோரம் இருந்த ஒரு கிணற்றுக்குள் பாய்ந்து விபத்துக்குள்ளானது.

இந்த விபத்தில் காரை ஓட்டிய அருண் தண்ணீரில் மூழ்கி சம்பவ இடத்திலேயே பரிதாபமாக உயிரிழந்தார். அதிர்ஷ்டவசமாக, அவருடன் பயணித்த நண்பர்களான நிவேஷ் மற்றும் அஸ்வின் ஆகிய இருவரும் காரில் இருந்து தப்பித்து நல்வாய்ப்பாக உயிர் பிழைத்தனர். இதுகுறித்துத் தகவல் அறிந்து வந்த மீட்புக்குழுவினர் மற்றும் காவல்துறையினர், சுமார் 2 மணி நேரப் போராட்டத்திற்குப் பிறகு கிணற்றில் மூழ்கிய காரையும், அருணின் உடலையும் மீட்டனர். வாகனம் ஓட்டும்போது மொபைல் போன் பயன்படுத்தியதால் நேரிட்ட இந்த சோகச் சம்பவம் அப்பகுதியில் பெரும் சோகத்தை ஏற்படுத்தியுள்ளது.