எம்.எல்.ஏ சம்பளம் 1 லட்சம்… ஆனால் கைக்கு வருவது 11 ஆயிரம் மட்டுமே…. தமிழகத்தை உலுக்கிய ஒரு எளிமையான கதை… வைரலாகும் வீடியோ…!!!

புதுக்கோட்டை மாவட்டம் கந்தர்வக்கோட்டை தொகுதி சட்டமன்ற உறுப்பினரான மா. சின்னதுரை அவர்களின் எளிமையும், கட்சிப்பற்றும் தமிழக அரசியலில் ஒரு முன்னுதாரணமாகத் திகழ்கிறது. அரசு வழங்கும் மாதச் சம்பளமான ₹1,05,000 முழுவதையும் தனது கட்சியின் வளர்ச்சி நிதியாக ஒப்படைத்துவிட்டு, கட்சி வழங்கும் மிகக் குறைந்த தொகையான ₹11,250-ஐ மட்டுமே தனது தனிப்பட்ட வாழ்வாதாரத்திற்காக அவர் பெற்றுக்கொள்கிறார்.

மேலும் ஒரு மக்கள் பிரதிநிதியாக உயர்ந்த அதிகாரத்தில் இருந்தபோதிலும், பொதுவாழ்வில் நேர்மையும் தியாக உணர்வும் இன்னும் உயிர்ப்புடன் இருப்பதை இவரது செயல் மெய்ப்பிக்கிறது. இவரது குடும்பத்தின் எளிமை அதைவிட வியக்கத்தக்கது. எம்.எல்.ஏ-வின் மனைவி என்று அரசு அதிகாரத்தைச் சற்றும் பயன்படுத்தாமல், இவரது மனைவி இன்றும் 100 நாள் வேலைத் திட்டத்தில் மகாத்மா காந்தி தேசிய ஊரக வேலை உறுதித் திட்டம் ஒரு சாதாரணத் தொழிலாளியாகப் பணியாற்றி வருகிறார்.

“>

இந்நிலையில் அந்த வருமானத்தைக் கொண்டே தனது குடும்பத்தைப் பராமரித்து வருவது, இன்றைய காலத்து அரசியல் சூழலில் காண்பதற்கு அரிய பெருமிதமாகும். பதவியும் பணமும் தேடி வரும்போது எளிமையை அணிகலனாகக் கொண்ட இத்தகைய தலைவர்கள், மக்களாட்சியின் மீதான நம்பிக்கையை மேலும் வலுப்படுத்துகிறார்கள்.