“என் சொத்து தர முடியாது”…. தந்தை சொன்ன ஒற்றை வார்த்தை…. ஒரே குடும்பத்தைச் சேர்ந்த 4 பேர் விஷம் குடித்து மரணம்… நெஞ்சை குலுக்கும் சோகம்….!

பெரம்பலூர் மாவட்டம் குன்னம் வட்டம் கீழப்பெரம்பலூர் கிராமத்தைச் சேர்ந்தவர் ஜெயராமன் (30). முடக்குவாதம் காரணமாக கடந்த 3 ஆண்டுகளாக உடல்நலம் பாதிக்கப்பட்டு வீட்டிலேயே இருந்த இவர், தனது தந்தை செல்வராஜிடம் தமக்குரிய சொத்தை பிரித்து தருமாறு கோரியுள்ளார். ஆனால் தந்தை சொத்து பிரித்து தர மறுத்ததால், ஜெயராமனுக்கும் அவரது மனைவி காவ்யாவுக்கும் இடையே குடும்பத் தகராறு ஏற்பட்டுள்ளது. இதனால் கடும் மனமுடைந்த தம்பதியினர், தங்களது இரண்டு குழந்தைகளுக்கும் பூச்சிக்கொல்லி மருந்தை கொடுத்துவிட்டு தாமும் விஷம் அருந்தி தற்கொலைக்கு முயன்றுள்ளனர்.

உறவினர்களால் மீட்கப்பட்டு சிகிச்சைக்காக அரியலூர் அரசு மருத்துவமனையில் அனுமதிக்கப்பட்ட இவர்களில், காவ்யா கடந்த செப்டம்பர் 22-ஆம் தேதியும், தஞ்சாவூர் அரசு மருத்துவமனையில் சிகிச்சை பெற்று வந்த ஜெயராமன் அக்டோபர் 1-ஆம் தேதியும் சிகிச்சை பலனின்றி பரிதாபமாக உயிரிழந்தனர். இவர்களைத் தொடர்ந்து, மேல் சிகிச்சைக்காக புதுச்சேரி ஜிப்மர் மருத்துவமனையில் தீவிர சிகிச்சையில் இருந்த அவர்களின் இரண்டு குழந்தைகளும் சிகிச்சை பலனின்றி அடுத்தடுத்து உயிரிழந்தனர். ஒரே குடும்பத்தைச் சேர்ந்த நான்கு பேரும் உயிரிழந்த இச்சம்பவம் அப்பகுதியில் பெரும் சோகத்தையும் அதிர்ச்சியையும் ஏற்படுத்தியுள்ளது.

உடல்நலக் குறைவால் பாதிக்கப்பட்ட மகனுக்குத் தந்தை சொத்து பிரித்துத் தராததால் ஏற்பட்ட குடும்பப் பிரச்சினையில், இளம் தம்பதியினர் மற்றும் பச்சிளம் குழந்தைகள் உள்ளிட்ட ஒரு தலைமுறையே முழுமையாக அழிந்துபோன இந்தச் சோகச் சம்பவம் குறித்து குன்னம் போலீசார் வழக்குப்பதிவு செய்து தீவிர விசாரணை நடத்தி வருகின்றனர்.