ஆகஸ்ட் பட்ஜெட்டில் பெண்களுக்கு டபுள் சர்பிரைஸ்…! ரூ.2,500 மகளிர் உரிமைத்தொகை மற்றும் இலவசப் பேருந்து பயணம்….? முதல்வர் விஜய்யின் மாஸ் பிளான்…!

முதலமைச்சர் ஜோசப் விஜய் தலைமையிலான தமிழகத்தின் தவெக அரசு, தங்களது ஆளுகையின் கீழ் முதன்முறையாக மாநிலத்தின் புதிய நிதிநிலை அறிக்கையை (Budget) தாக்கல் செய்யத் தீவிரமாகத் தயாராகி வருகிறது. வரும் ஆகஸ்ட் மாதத்தின் முதல் வாரத்தில் இந்த பட்ஜெட் கூட்டத்தொடர் நடைபெறும் என்று நிதியமைச்சர் மரிய வில்சன் அதிகாரப்பூர்வமாகத் தெரிவித்துள்ள நிலையில், அதற்கான துல்லியமான தேதியைச் சபாநாயகர் விரைவில் அறிவிக்கவுள்ளார்.

இந்தச் சூழலில், தவெக அரசு தங்களது தேர்தல் வாக்குறுதிகளில் குறிப்பிட்டிருந்தபடி, குடும்பத் தலைவிகளுக்கு மாதந்தோறும் 2,500 ரூபாய் வழங்கும் மகளிர் உரிமைத்தொகை திட்டம் மற்றும் மாநிலம் முழுவதும் அனைத்து விதமான அரசுப் பேருந்துகளிலும் பெண்களுக்குக் கட்டணமில்லாப் பயணத் திட்டம் ஆகிய இரு முக்கிய அறிவிப்புகள் இந்த பட்ஜெட்டில் வெளியாகலாம் என்ற மாபெரும் எதிர்பார்ப்பு பெண்களிடையே எழுந்துள்ளது.

இந்த இரு பிரம்மாண்ட திட்டங்களையும் ஒரே நேரத்தில் நடைமுறைப்படுத்தினால் அரசாங்கத்திற்குப் பெருமளவில் நிதிப் பற்றாக்குறையும், கூடுதல் பொருளாதார நெருக்கடியும் ஏற்படும் என்பதால், இது குறித்து முதலமைச்சர் உயர் அதிகாரிகள் மற்றும் அமைச்சர்களுடன் விரிவான ஆலோசனைகளை மேற்கொண்டுள்ளார்.

இந்த ஆலோசனையின் அடிப்படையில், தற்போதைய பட்ஜெட்டில் முதற்கட்டமாக இலவசப் பேருந்து பயணத் திட்டத்தை அறிவித்துவிட்டு, புதிய பயனாளிகளைத் தேர்வு செய்வதற்கான சிறப்பு முகாம்களை நடத்தி அடுத்த பட்ஜெட்டில் உரிமைத்தொகை திட்டத்தை முழுமையாகச் செயல்படுத்தலாமா என்ற மாற்று யோசனையும் பரிசீலிக்கப்பட்டு வருகிறது. இருப்பினும், பெண்களின் வாக்குகளைக் கவர்ந்த இந்த இரு முக்கிய வாக்குறுதிகளில் ஏதேனும் ஒரு திட்டத்தையாவது இந்த ஆகஸ்ட் பட்ஜெட்டில் அறிவித்து பெண்களுக்கு முதலமைச்சர் சர்பிரைஸ் கொடுப்பார் என்பது தற்போதைய அரசியல் வட்டாரத்தில் சஸ்பென்ஸாக நீடிக்கிறது.