“என் பிள்ளையை கொன்னுட்டாங்களே…” தந்தை கண்முன்னே துடிதுடித்த மகன்… ரீல்ஸ் வீடியோ வெளியிட்ட ரவுடிகள்… குலை நடுங்க வைக்கும் பயங்கர சம்பவம்…!!

சென்னையில் தந்தையுடன் ஆட்டோவில் சென்று கொண்டிருந்த 21 வயது ரவுடி ஒருவரை, மர்ம கும்பல் பட்டப்பகலில் தந்தையின் கண்முன்னே சரமாரியாக வெட்டிக் கொலை செய்துவிட்டு இன்ஸ்டாகிராமில் ரீல்ஸ் வெளியிட்ட கொடூர சம்பவம் தலைநகரில் பெரும் அதிர்ச்சியையும் பரபரப்பையும் ஏற்படுத்தியுள்ளது.

சென்னை மயிலாப்பூர் ராமகிருஷ்ணபுரம் பகுதியைச் சேர்ந்த சரித்திரப் பதிவேடு ரவுடியான மைத்ரேயன் (21), கஞ்சா வழக்கில் சிறையிலிருந்து ஜாமீனில் வெளியே வந்து தினமும் காவல் நிலையத்தில் கையெழுத்திட்டு வந்துள்ளார். பழிவாங்கும் பயத்தால் உறவினர் வீடுகளில் மாறி மாறித் தங்கியிருந்த அவர், அக்டோபர் 27 அன்று காலை மயிலாப்பூர் காவல் நிலையத்தில் கையெழுத்தைப் போட்டுவிட்டுத் தந்தை வேணுகோபாலுடன் ஆட்டோவில் திரும்பிக் கொண்டிருந்தார்.

அடையார் இந்திரா நகர் வாட்டர் டேங்க் அருகே ஆட்டோ வந்தபோது, 2 இருசக்கர வாகனங்களில் வந்த 4 பேர் கொண்ட கொடூரக் கும்பல் ஆட்டோவை வழிமறித்து, தந்தை கண் முன்னேயே மைத்ரேயனைச் சரமாரியாக வெட்டிச் சாய்த்தது. இதில் ரத்த வெள்ளத்தில் மைத்ரேயன் பரிதாபமாக உயிரிழந்தார். இக்கொலையைச் செய்துவிட்டு குற்றவாளிகள் இன்ஸ்டாகிராமில் ரீல்ஸ் வெளியிட்ட நிலையில், முந்தைய முன்விரோதம் காரணமாக இக்கொலை நடந்தது தெரியவந்தது. இதையடுத்து ஜீவா மற்றும் அசாருதீன் ஆகிய இருவரும் மயிலாப்பூர் காவல் நிலையத்தில் சரணடைந்த நிலையில் அடையார் போலீசார் தீவிர விசாரணை நடத்தி வருகின்றனர்.