விபத்து இல்லையா?… நாடகம் ஆடிய மாமா… கதறி அழுத அக்கா… இரக்கமின்றி வீசிய சொந்த உறவு… நெஞ்சை உலுக்கும் வாக்குமூலம்…!!

பஹ்செலியேவ்லர் பகுதியில் உள்ள அடுக்குமாடிக் குடியிருப்பின் ஆறாவது மாடியிலிருந்து கீழே விழுந்து 8 வயது சிறுவன் ஓகுஷான் உயிரிழந்த வழக்கில், அவனது அக்கா அளித்த வாக்குமூலம் வழக்கின் போக்கையே மாற்றியுள்ளது. சம்பவம் நடந்தபோது மாமா முஸ்தபா, அச்சிறுவனை மடியில் அமரவைத்து “கீழே வீசட்டுமா?” என்று மிரட்டியதாகவும், பயந்து அழுத தம்பியை ஜன்னல் வழியாக இரக்கமின்றி வெளியே தூக்கி எறிந்ததாகவும் ஒன்பது வயது சிறுமி விவரித்துள்ளார். மேலும், இந்த விவகாரத்தை மறைக்க முயன்ற தாய் மற்றும் மாமா உள்ளிட்ட குடும்பத்தினர், உண்மையை வெளியே சொல்லக்கூடாது எனத் தன்னை மிரட்டியதாகவும் அவர் வெளிப்படுத்தியுள்ளார்.

சிறுவன் தவறி விழுந்தபோது அவனைக் காப்பாற்ற முயன்றதாக மாமா முஸ்தபா இக்குற்றச்சாட்டைத் திட்டவட்டமாக மறுத்துள்ளார். எனினும், உடற்கூறாய்வு ஆய்வு, தடயவியல் சோதனைகள் மற்றும் சிறுமியின் வலுவான சாட்சியத்தை முன்னிறுத்தி அரசுத் தரப்பு விசாரணையை முன்னெடுத்தது. தற்செயலான விபத்து என்ற தோற்றத்தை உடைத்து, ஒரு குழந்தையைக் கொடூரமாகத் திட்டமிட்டு கொலை செய்த குற்றத்திற்காக முஸ்தபாவிற்கு கடுமையான ஆயுள் தண்டனை விதிக்க வேண்டும் என்று நீதிமன்றத்தில் குற்றப்பத்திரிகை தாக்கல் செய்யப்பட்டுள்ளது.