13 வருடங்களுக்கு பிறகு.. சினிமாவில் ரீ-என்ட்ரி கொடுக்கும் ரஜினியின் இளைய மகள்..வைரலாகும் இணையதள பதிவு..!!

சூப்பர் ஸ்டார் ரஜினியின் இரண்டாவது மகள் சௌந்தர்யா ரஜினிகாந்த் கோச்சடையான், வேலையில்லா பட்டதாரி 2 ஆகிய படங்களை இயக்கினார். இந்நிலையில் நீண்ட இடைவெளிக்கு பிறகு அமேசான் ப்ரைம் ஓடிடி தளத்துடன் இணைந்து சௌந்தர்யா கேங்க்ஸ் என்ற புதிய வெப் சீரிசை தயாரிக்கிறார்.

இந்த வெப் சீரிசை நோவா ஆபிரகாம் இயக்குகிறார். இதில் நடிகர் அசோக் செல்வன் கதாநாயகனாக நடிக்க உள்ளார். சமீபத்தில் கேங்க்ஸ் வெப் தொடரின் பூஜை சென்னையில் நடைபெற்றது. நேற்று முன்தினம் படப்பிடிப்பு தொடங்கிய நிலையில் சௌந்தர்யா தனது சமூக வலைதள பக்கத்தில் ஒரு பதிவை பகிர்ந்து உள்ளார்.

அதில் 2010- ஆம் ஆண்டு கோவா படத்தை தயாரித்தேன். சுமார் 13 வருடங்கள் கழித்து மீண்டும் தயாரிப்பாளர் நாற்காலியில் அமர்ந்திருக்கிறேன் என பதிவிட்டுள்ளார். அந்த பதிவு தற்போது வேகமாக பரவி வருகிறது.