இபிஎஸ்-க்கு அடுத்த ஷாக்… தவெகவில் இணைந்த அதிமுகவின் முக்கிய புள்ளி… தமிழக அரசியலில் அடுத்த பரபரப்பு…!

தமிழகத்தில் 2026 ஆம் ஆண்டு சட்டமன்ற தேர்தல் நெருங்கிக் கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. குறிப்பாக விஜயின் தமிழக வெற்றி கழகம் 2026 ஆம் ஆண்டு சட்டமன்ற தேர்தலை எதிர்கொள்ள பல வியூகங்களை வகுத்து வருகிறது. அதிமுகவின் மூத்த தலைவரான செங்கோட்டையன் சமீபத்தில் விஜய் கட்சியில் இணைந்த பிறகு அடுத்தடுத்து முக்கிய பிரபலங்களையும் விஜய் கட்சியில் இணைக்கும் பணியில் தீவிரம் காட்டி வருகின்றார்.

கடந்த சில நாட்களாகவே தமிழக வெற்றி கழகம் கட்சியில் மாற்றுக் கட்சியினர் பலரும் இணைந்த வண்ணம் உள்ளனர். தினம்தோறும் மாற்றுக் கட்சியினர் பல்வேறு கட்சிகளில் இணைந்து வரும் நிலையில் தமிழக வெற்றிக்கழகம் தலைவர் விஜய் முன்னிலையில் அதிமுக முன்னாள் எம்எல்ஏ ஜேசிபி பிரபாகரனின் மகன் அமலன், அரசியல் விமர்சகர் அனந்தஜீத் ஆகியோர் தமிழக வெற்றி கழகம் கட்சியில் இணைந்துள்ளனர். இவர்களின் இந்த இணைப்பு தற்போது புதிய பரபரப்பை கிளப்பியுள்ளது.