“கடைசி நேரத்தில் க்ளைமாக்ஸ்”…. அதிமுகவுடன் கூட்டணி அறிவித்த பிரபல கட்சி…. எடப்பாடியார் கையில் அடுத்த ‘அஸ்திரம்’….!

தமிழகத்தில் நாடாளுமன்றத் தேர்தல் களம் சூடுபிடிக்கத் தொடங்கியுள்ள சூழலில், சிறிய கட்சிகளும் அமைப்புகளும் தங்களது அரசியல் நிலைப்பாட்டைத் தீவிரமாக அறிவித்து வருகின்றன. தேர்தல் தேதி அறிவிக்கப்பட இன்னும் சில நாட்களே உள்ள நிலையில், அதிமுக பொதுச்செயலாளர் எடப்பாடி பழனிசாமியை மக்கள் ராஜ்ஜியம் கட்சியின் நிறுவனத் தலைவர் பி.ஆர். சிவசாமி இன்று நேரில் சந்தித்து தனது ஆதரவை உறுதிப்படுத்தினார்.

அதிமுக கூட்டணியில் இணைவதாக அதிகாரப்பூர்வமாக அறிவித்த அவர், வரும் தேர்தலில் அதிமுகவின் வெற்றிக்குத் தனது கட்சியினர் முழுமையான ஆதரவை வழங்குவார்கள் எனத் தெரிவித்தார். தொகுதிப் பங்கீடுகள் குறித்த இறுதிக்கட்டப் பேச்சுவார்த்தைகள் ஒருபுறம் நடந்து கொண்டிருந்தாலும், மக்கள் ராஜ்ஜியம் போன்ற அமைப்புகளின் வரவு அதிமுகவிற்குத் தேர்தல் களத்தில் கூடுதல் பலத்தைச் சேர்த்துள்ளதாகக் கருதப்படுகிறது.