“வெறும் ஒரு வெங்காயம் போதும்” கொசுக்களுக்குச் சாவு மணி அடிக்கலாம்… நபரின் கன்டுபிடிப்பால் மிரண்டு போன இணையம்..!

சமூக வலைதளங்களில் தற்போது வைரலாகி வரும் ஒரு வீடியோவில், வீடுகளில் எளிதாகக் கிடைக்கும் வெங்காயத்தை வைத்து கொசுக்களை விரட்டும் வினோதமான மற்றும் பயனுள்ள வழிமுறை பகிரப்பட்டுள்ளது. ரசாயனம் கலந்த கொசு வத்திகளுக்கு மாற்றாக, இயற்கையான முறையில் கொசுக்களை விரட்ட இந்த ‘ஹேக்’ (Hack) பரிந்துரைக்கப்படுகிறது.

இந்த முறையில், ஒரு பெரிய வெங்காயத்தின் நடுப்பகுதியைக் குடைந்து அதில் ஒரு சிறிய பள்ளத்தை உருவாக்க வேண்டும். பின்னர் அந்தப் பள்ளத்தில் சிறிதளவு சமையல் எண்ணெய் அல்லது கடுகு எண்ணெயை ஊற்றி, அதில் ஒரு காட்டன் திரியைப் போட்டு தீபமாக ஏற்ற வேண்டும். வெங்காயத்தின் மணம் மற்றும் எண்ணெய் எரியும் புகையும் இணைந்து கொசுக்களை அண்டவிடாமல் தடுப்பதாக அந்த வீடியோவில் காட்டப்பட்டுள்ளது.

இந்த எளிமையான முறையை பலரும் சமூக வலைதளங்களில் பாராட்டி வருகின்றனர். கடைகளில் விற்கப்படும் விலையுயர்ந்த கொசு விரட்டிகளுக்குப் பதிலாக, குறைந்த செலவில் வீட்டின் சமையலறையில் உள்ள பொருள்களைக் கொண்டே இதைச் செய்ய முடிவது பலரையும் கவர்ந்துள்ளது. குறிப்பாக, ரசாயனப் புகையினால் மூச்சுத்திணறல் ஏற்படும் முதியவர்கள் மற்றும் குழந்தைகளுக்கு இது பாதுகாப்பானது எனக் கூறப்படுகிறது.

இருப்பினும், இத்தகைய ‘ஜுகாட்’ முறைகள் எந்த அளவிற்கு அறிவியல் ரீதியாகச் செயல்படும் என்பது குறித்து விவாதங்களும் எழுந்துள்ளன. “இது போன்ற எளிய வழிமுறைகள் தற்காலிகத் தீர்வைத் தரும்” என்று சிலர் கூறினாலும், பெரும்பாலானோர் இந்த இயற்கையான மாற்றை ஒருமுறை முயற்சி செய்து பார்க்கலாம் என ஆர்வம் காட்டி வருகின்றனர்.