இபிஎஸ்-க்கு அடுத்து அதிர்ச்சி… அதிமுகவில் மீண்டும் ஒரு புதிய அணி?… பரபரப்பு தகவல்…!

தமிழகத்தில் 2026 ஆம் ஆண்டு சட்டமன்ற தேர்தல் நெருங்கிக் கொண்டிருக்கும் சூழலில் அனைத்து அரசியல் கட்சிகளும் தீவிரமாக தேர்தல் பணியில் ஈடுபட்டு வருகின்றன. அதே சமயம் கூட்டணி குறித்த பேச்சு வார்த்தையும் மும்முரமாக நடந்து கொண்டிருக்கிறது. இதனிடையே பாஜகவுடன் அதிமுக கூட்டணி வைத்துள்ள நிலையில் கட்சி நிர்வாகிகள் பலரும் இபிஎஸ் மீது அதிருப்தியில் உள்ளனர்.

அதன் வெளிப்பாடாக நேற்று செங்கோட்டையன் இபிஸ்க்கு எதிராக திரும்பி அதிமுகவில் இருந்து பிரிந்து சென்றவர்களை மீண்டும் இணைக்க வேண்டும் என பத்து நாட்கள் கெடு விதித்திருந்தார். இதனைத் தொடர்ந்து இபிஎஸ் இன்று ஆலோசனை நடத்தி செங்கோட்டையனை அதிமுகவில் இருந்து அதிரடியாக நீக்கி உள்ளார். இந்நிலையில் செங்கோட்டையனின் கட்சிப் பொறுப்பை இபிஎஸ் பறித்துள்ளது மீண்டும் கட்சிக்குள் பிளவை ஏற்படுத்தலாம் என பரபரப்பு தகவல் வெளியாகி உள்ளது.

எம்ஜிஆர் காலத்தில் இருந்தே கட்சி பல நெருக்கடிகளை சந்தித்து வந்தாலும் 1988 ஆம் ஆண்டு ஜெயலலிதா மற்றும் ஜானகி இரண்டு அணிகளாக பிளவுப்பட்டு மீண்டும் இணைந்தது. அடுத்து 2017 ஆம் ஆண்டில் சசிகலா மற்றும் ஓபிஎஸ் அணி, அதன் பிறகு இபிஎஸ் மற்றும் ஓபிஎஸ் அணி என பிளவுகளை சந்தித்து அதிமுக மேலும் பலவீனமடைந்துள்ளது. தற்போது செங்கோட்டையன் நீக்கம் கட்சியில் மீண்டும் நெருக்கடியை ஏற்படுத்தும் என பரபரப்பு தகவல் வெளியாகி உள்ளது.