தமிழ்நாட்டில் அதிவேகமாக பரவும் புதிய ஆபத்து! 3,000+ பேர் பாதிப்பு… உங்களுக்கும் இந்த அறிகுறி இருக்கா?…. உச்சக்கட்ட அலெர்ட்…!

தமிழகத்தில் சென்னை, கோவை, திருவண்ணாமலை உள்ளிட்ட பல்வேறு மாவட்டங்களில் ‘ஸ்கிரப் டைபஸ்’ (Scrub Typhus) எனப்படும் உண்ணிக் காய்ச்சலின் தாக்கம் நாளுக்கு நாள் அதிகரித்து வருகிறது. இந்த ஆண்டில் மட்டும் 3,000-க்கும் மேற்பட்டோர் இந்நோயால் பாதிக்கப்பட்டுள்ளது பொதுமக்கள் மத்தியில் பெரும் அச்சத்தை ஏற்படுத்தியுள்ளது. ‘ரிக்கட்ஸியா’ (Rickettsia) வகையைச் சேர்ந்த பாக்டீரியாத் தொற்றைக் கொண்ட நுண் ஒட்டுண்ணிகள் மற்றும் பூச்சிகள் மனிதர்களைக் கடிப்பதன் மூலமே இந்த அபாயகரமான காய்ச்சல் பரவுகிறது.

உண்ணி கடித்த இடத்தில் சிறிய சிவப்புத் தடிப்போ அல்லது கருநிற வடுவோ தோன்றுவது இதன் முக்கிய அடையாளமாகும். இதனுடன் கடுமையான தலைவலி, குளிருடன் கூடிய காய்ச்சல், உடல் வலி, தோல் அரிப்பு, இருமல் மற்றும் மூச்சுத்திணறல் போன்ற அறிகுறிகளும் வெளிப்படும். இந்நோயை ஆரம்பக் கட்டத்திலேயே கண்டறிந்து தகுந்த சிகிச்சை பெறாவிட்டால், கடித்த இடத்தில் ரத்தக்கட்டு ஏற்பட்டு உள்ளுறுப்புகள் செயலிழப்பதுடன், கோமா மற்றும் உயிரிழப்பு போன்ற தீவிர ஆபத்துகளும் நேரிடக்கூடும் என மருத்துவ நிபுணர்கள் எச்சரிக்கின்றனர்.

எனவே, பொதுமக்கள் தங்களைச் சுற்றியுள்ள முட்புதர்களை அகற்றி, குடியிருப்புப் பகுதிகளைச் சுத்தமாகப் பராமரிக்க வேண்டும். தோட்டங்கள், விவசாய நிலங்கள் மற்றும் பூங்காக்களுக்குச் செல்லும்போது பூச்சிக் கடியிலிருந்து தப்பிக்க உடலை முழுமையாக மூடும் ஆடைகளை அணிவது அவசியமாகும். காய்ச்சல் அல்லது தோல் தடிப்புகள் போன்ற அறிகுறிகள் தென்பட்டால் அலட்சியம் காட்டாமல் உடனடியாக மருத்துவரை அணுகி சிகிச்சை பெறுமாறு சுகாதாரத் துறை அறிவுறுத்தியுள்ளது.