ஐயோ இன்னும் ஒரு அடி நகர்ந்திருந்தால் அவ்வளவுதான்..! முட்டைகளைக் காப்பாற்ற டிராக்டரை எதிர்த்து நின்ற தாய் பறவை.. நெட்டிசன்களை கண்கலங்க வைத்த வீடியோ…!!

ஒரு விவசாயி தனது நிலத்தை டிராக்டர் மூலம் உழுது கொண்டிருக்கும் போது, அங்குள்ள நிலத்தில் ஒரு தாய் பறவை தனது முட்டைகளை இட்டிருந்தது. டிராக்டர் அந்த முட்டைகளை நோக்கி நகர்வதைக் கண்ட தாய் பறவை, சிறிதும் அஞ்சாமல் தன் குஞ்சுகளைக் காப்பாற்ற டிராக்டரின் முன்னே வந்து தைரியமாக நின்றது.

டிராக்டரின் பெரும் சத்தத்திற்கு மத்தியிலும், அந்தப் பறவை தனது இறக்கைகளை விரித்துக்கொண்டு, டிராக்டரை மேற்கொண்டு நகரவிடாமல் உரத்த குரலில் கத்தியபடி எச்சரிக்கை விடுத்துக்கொண்டே இருந்தது. பறவையின் இந்த தாய் பாசத்தைக் கண்டு நெகிழ்ந்த டிராக்டர் ஓட்டுநர், வண்டியை அங்கேயே நிறுத்திவிட்டு கீழே இறங்கிப் பார்த்தபோதுதான் அங்கு முட்டைகள் இருப்பதை உணர்ந்தார்.

https://www.instagram.com/reel/DZcosYrM7n6/?utm_source=ig_web_button_share_sheet

விவசாயி டிராக்டரை நிறுத்தியதால் அந்த முட்டைகள் பத்திரமாகக் காப்பாற்றப்பட்டன. மனிதநேயத்திற்கும் தாய்மைக்கும் சான்றாக விளங்கும் இந்த நெகிழ்ச்சியான வீடியோ இன்ஸ்டாகிராமில் பகிரப்பட்டு, குறுகிய காலத்தில் 21 கோடிக்கும் அதிகமான பார்வைகளையும், ஒரு கோடிக்கும் அதிகமான விருப்பங்களையும் பெற்று இணையவாசிகளின் கண்களைக் குளிரச் செய்துள்ளது.