அச்சோ… 5 குழந்தைகள் முன்னிலையில் நடந்த அதிசயம்… 10 ஆண்டு காதலுக்குப் பின் திடீர் திருமணம் செய்த ரொனால்டோ… வாழ்த்தும் நெட்டிசென்கள்…!

போர்ச்சுகல் கால்பந்து ஜாம்பவான் கிறிஸ்டியானோ ரொனால்டோவும், அவரது நீண்டகால காதலியான ஜார்ஜினா ரோட்ரிக்ஸும் சுமார் 10 ஆண்டுகால லிவ்-இன் ரிலேஷன்ஷிப்பிற்குப் பிறகு தற்போது முறைப்படி திருமணம் செய்து கொண்டுள்ளனர். போர்ச்சுகலின் காஸ்காய்ஸ் நகரில் மிகவும் பிரம்மாண்டமாக நடைபெற்ற இந்த சுபநிகழ்ச்சியில், அவர்களின் 5 குழந்தைகளும் நேரில் கலந்து கொண்டு வாழ்த்தினர். திருமண முடிவில் இருவரும் தங்கள் கரங்களில் அணிந்திருந்த திருமண மோதிரங்களின் புகைப்படங்களைச் சமூக வலைதளங்களில் பகிர்ந்து கொள்ள, அது இணையத்தில் வைரலாகி வருகிறது.

இவர்கள் இருவரின் காதல் பயணம் 2016-ஆம் ஆண்டு ரொனால்டோ ரியல் மாட்ரிட் அணிக்காக விளையாடிய காலத்தில் தொடங்கியது. தொடர்ந்து 2017-ஆம் ஆண்டு தங்களின் காதலை உலகிற்கு வெளிப்படையாக அறிவித்த இவர்கள், கடந்த 10 ஆண்டுகளாக ஒரே கூரையின் கீழ் வாழ்ந்து வந்தனர். ரொனால்டோவின் முந்தைய காதல் உறவுகளை விடவும் ஜார்ஜினாவுடனான இந்த உறவே மிக நீண்ட காலமாக நீடித்து, தற்போது திருமண பந்தத்திலும் முடிவடைந்துள்ளது.

குழந்தைகள் பிறந்த பிறகும் கூட இவர்கள் திருமணம் செய்துகொள்ளாமல் இருந்து வந்தது, இத்தனை ஆண்டுகளாக ரசிகர்களிடையே பெரும் ஆர்வத்தையும் எதிர்பார்ப்பையும் ஏற்படுத்தியிருந்தது. தற்போது அந்த நீண்டகால எதிர்பார்ப்பிற்கு முற்றுப்புள்ளி வைக்கும் வகையில் இவர்கள் வெளியிட்டுள்ள மோதிரப் புகைப்படங்கள் ரசிகர்களின் கவனத்தை ஈர்த்துள்ளன. உலகெங்கிலும் உள்ள விளையாட்டுப் பிரபலங்களும், லட்சக்கணக்கான கால்பந்து ரசிகர்களும் இத்தம்பதிக்கு இணையத்தில் தங்களது மனமார்ந்த வாழ்த்துகளைக் குவித்து வருகின்றனர்.