திருவிழா விருந்தில் நடந்த ஒரு சிறிய தவறு.. மட்டன் துண்டு தொண்டையில் சிக்கி விவசாயி பலியான அதிர்ச்சி சம்பவம்… நெஞ்சை உலுக்கும் மரணம்…!!!

தெலங்கானா மாநிலம் மகபூபாபாத் மாவட்டத்தில் உள்ள இங்குர்த்தி கிராமத்தில், துர்கம்மா திருவிழாக் கொண்டாட்டத்தின் போது நடந்த ஒரு துயரச் சம்பவத்தில் 50 வயது விவசாயி ஒருவர் உயிரிழந்தார். கிராமத்தில் நடைபெற்ற திருவிழா விருந்தில் மற்ற கிராம மக்களுடன் இணைந்து அவர் உணவு அருந்திக் கொண்டிருந்தார்.

அப்போது எதிர்பாராதவிதமாக அவர் சாப்பிட்ட மட்டன் துண்டு ஒன்று அவரது தொண்டையில் சிக்கிக் கொண்டது. இதனால் அவருக்கு மூச்சுத்திணறல் ஏற்பட்டு கடும் அவதிக்குள்ளானார். அங்கிருந்தவர்கள் உடனடியாக அவருக்கு முதலுதவி அளித்து மருத்துவமனைக்குக் கொண்டு செல்ல முயன்றனர். ஆனால், மருத்துவமனைக்குச் செல்லும் வழியிலேயே அவர் பரிதாபமாக உயிரிழந்தார்.

மேலும் உணவுக் குழாயில் சிக்கிய இறைச்சித் துண்டு சுவாசப் பாதையை அடைத்ததே அவரது மரணத்திற்கு முக்கியக் காரணமாகக் கூறப்படுகிறது. மகிழ்ச்சியாகத் தொடங்கிய திருவிழாக் கொண்டாட்டம், இந்தத் துரதிர்ஷ்டவசமான மரணத்தால் அந்த கிராமத்தையே சோகத்தில் ஆழ்த்தியுள்ளது. இது குறித்து போலீஸார் வழக்குப் பதிவு செய்து விசாரணை நடத்தி வருகின்றனர்.