இலவசமென்றால் எதையும் செய்வார்களா?… கவிழ்ந்த லாரியில் ‘கொள்ளையடித்த’ மக்கள்… மனிதாபிமானம் செத்துப்போச்சா?… பகீர் பின்னணி..!!!

ஆந்திர மாநிலம் நெல்லூர் அருகே தேசிய நெடுஞ்சாலையில் குளிர் பான பாட்டில்களை ஏற்றிச் சென்ற லாரி ஒன்று எதிர்பாராதவிதமாக ஓட்டுநரின் கட்டுப்பாட்டை இழந்து கவிழ்ந்து விபத்துக்குள்ளானது. இந்த விபத்தில் லாரியில் இருந்த நூற்றுக்கணக்கான குளிர் பான பாட்டில்கள் சாலை எங்கும் சிதறி விழுந்தன.

மேலும் விபத்தைக் கண்டு ஓடி வந்த அப்பகுதி மக்கள் மற்றும் அவ்வழியாகச் சென்ற வாகன ஓட்டிகள், காயமடைந்த ஓட்டுநருக்கு உதவ முன்வராமல், சாலையில் சிதறிக் கிடந்த பாட்டில்களை போட்டி போட்டுக்கொண்டு சேகரிக்கத் தொடங்கினர். கையில் கிடைத்த பைகள் மற்றும் இருசக்கர வாகனங்களில் பாட்டில்களை நிரப்பிக்கொண்டு மக்கள் அங்கிருந்து விரைந்த காட்சி காண்போரை அதிர்ச்சியில் ஆழ்த்தியது.

இந்தச் சம்பவத்தின் போது விபத்தில் சிக்கிய ஓட்டுநரும் கிளீனரும் காயங்களுடன் உயிருக்குப் போராடிக் கொண்டிருந்த நிலையிலும், அவர்களைக் கண்டுகொள்ளாமல் மக்கள் தங்களின் சுயநலத்திற்காக பாட்டில்களைத் திருடுவதிலேயே குறியாக இருந்தனர். வெறும் 10 நிமிடங்களுக்குள் லாரியில் இருந்த பெரும்பாலான சரக்குகளை மக்கள் காலி செய்துவிட்டதாகக் கூறப்படுகிறது.

இந்நிலையில் மனிதாபிமானம் மறந்த இந்தச் செயல் குறித்த வீடியோ சமூக வலைதளங்களில் வெளியாகி கடும் விமர்சனங்களை எழுப்பியுள்ளது. விபத்து காலங்களில் பாதிக்கப்பட்டவர்களுக்கு உதவ வேண்டிய சமூகப் பொறுப்பை மறந்து, இது போன்ற செயல்களில் ஈடுபடுவது வேதனையளிப்பதாக சமூக ஆர்வலர்கள் கருத்து தெரிவித்துள்ளனர்.