ஐயோ காப்பாத்துங்க… கண்ணிமைக்கும் நேரத்துல ஊரே அழிஞ்சிடுச்சே… சுருட்டி எறிந்த கொடூர சூறாவளி… அடியோடு சாய்ந்த மரங்கள்… நெஞ்சை நடுங்கவைக்கும் வீடியோ….!

பத்ராத்ரி மாவட்டத்தில் வீசிய கடும் சூறாவளி காற்று அப்பகுதியை நிலைகுலைய வைத்து பெரும் பேரழிவை ஏற்படுத்தியுள்ளது. மொரம்பள்ளி தரிசு நிலங்கள் மற்றும் அதனைச் சுற்றியுள்ள பகுதிகளில் வீசிய பலத்த காற்றினால் பிரம்மாண்ட மரங்களும், மின் கம்பங்களும் அடுத்தடுத்து சரிந்து விழுந்தன. ஊருக்குள் பல வீடுகளின் மீது ராட்சத மரங்கள் முறிந்து விழுந்ததில் வீடுகளின் கூரைகளும் சுவர்களும் சேதமடைந்து பெரும் சொத்து சேதம் ஏற்பட்டுள்ளது.

மரங்கள் மற்றும் மின்கம்பங்கள் சாய்ந்ததால், மின்சாரக் கம்பிகள் அறுந்து கிராமத்தின் பல இடங்களில் ஆபத்தான முறையில் விழுந்து கிடக்கின்றன. இதனால் எந்த நேரத்திலும் அசம்பாவிதம் ஏற்படுமோ என்ற அச்சத்தில் கிராம மக்கள் பெரும் பீதியிலும் அதிர்ச்சியிலும் உறைந்துள்ளனர். மேலும், மின் கம்பங்கள் முற்றிலும் சேதமடைந்திருப்பதால் அப்பகுதி முழுவதும் மின் விநியோகம் முற்றிலுமாகத் தடைபட்டு, கிராமங்கள் இருளில் மூழ்கியுள்ளன.

இந்தத் திடீர் இயற்கை சீற்றத்தால் இயல்பு வாழ்க்கை கடுமையாகப் பாதிக்கப்பட்டுள்ள நிலையில், மின்சாரமும் இல்லாமல் மக்கள் சொல்லொணாத் துயரத்திற்கு ஆளாகியுள்ளனர். எனவே, மாவட்ட நிர்வாகமும் சம்பந்தப்பட்ட அதிகாரிகளும் உடனடியாகப் பாதிக்கப்பட்ட பகுதிகளை நேரில் வந்து ஆய்வு செய்ய வேண்டும் என்றும், துண்டிக்கப்பட்ட மின்சாரத்தை உடனடியாகச் சீரமைத்து, சேதமடைந்த வீடுகளுக்கு உரிய நிவாரண உதவிகளை வழங்க வேண்டும் என்றும் அப்பகுதி மக்கள் கண்ணீர் மல்கக் கோரிக்கை விடுத்துள்ளனர்.