ஷாக்… திமுகவின் தூக்கத்தைக் கெடுக்கும்… இரட்டைச் சவால்…! அண்ணாமலையா…? விஜய்யா…? அறிவாலயத்தை அதிர வைக்கும்… புதிய அரசியல் ஆட்டம்…!!!

தமிழக அரசியல் களத்தில் அண்ணாமலையின் வருகை பாரதிய ஜனதா கட்சிக்கு ஒரு புதிய ரத்தத்தை பாய்ச்சியது என்பது மறுக்க முடியாத உண்மை. முன்னாள் ஐபிஎஸ் அதிகாரி என்ற அடையாளத்துடன் களமிறங்கிய அவர், வெறும் இரண்டு சதவீதத்திற்கும் கீழ் இருந்த பாஜகவின் வாக்கு வங்கியை 8 சதவீதமாக உயர்த்திக் காட்டினார். படித்தவர், இளைஞர் மற்றும் நேர்மையான அதிகாரி என்ற பிம்பம் தமிழக இளைஞர்கள் மற்றும் நடுநிலையாளர்கள் மத்தியில் அவருக்கு பெரும் வரவேற்பைப் பெற்றுத் தந்தது. ஆளும் திமுக அரசுக்கு எதிராக தினமும் செய்தியாளர் சந்திப்புகள், அடுக்கடுக்கான புகார்கள் என அரசியல் களத்தை எப்போதும் பரபரப்பாக வைத்திருந்ததன் மூலம், பாஜகவை தமிழகத்தின் முதன்மை எதிர்க்கட்சி போன்றதொரு தோற்றத்திற்கு கொண்டு வந்ததில் அவரின் உழைப்பு முக்கியமானது.

தற்போது அண்ணாமலை பாஜகவிலிருந்து விலகி ‘வீ த லீடர்ஸ்’ என்ற புதிய இயக்கத்தைத் தொடங்கியிருப்பதுடன், அது விரைவில் அரசியல் கட்சியாக மாறும் என்றும் அறிவித்துள்ளார். அண்ணாமலையின் இந்த அதிரடி முடிவு தமிழக அரசியல் வட்டாரத்தில், குறிப்பாக ஆளும் திமுக தரப்பில் பெரும் சலசலப்பை ஏற்படுத்தியுள்ளது. ஏற்கனவே சட்டமன்றத் தேர்தலில் அதிமுகவை ஓவர்டேக் செய்து எதிர்க்கட்சி என்ற இமேஜை உருவாக்கிய அண்ணாமலை, இப்போது தார்மீக ரீதியாகத் தன்னாட்சி அதிகாரத்துடன் செயல்படத் துவங்கினால் அது தங்களுக்குப் புதிய குடைச்சலாக மாறும் என்று அறிவாலயம் கணக்குப்போடுகிறது.

தமிழகத்தில் தற்போதைய அரசியல் சூழலில், ஆளுங்கட்சியைத் தீவிரமாக எதிர்க்கப் போவது தமிழக வெற்றிக் கழகத்தின் விஜய்யா அல்லது புதிய இயக்கத்துடன் களம் காணும் அண்ணாமலையா என்ற போட்டி எழுந்துள்ளது. தினமும் செய்தியாளர் சந்திப்புகள், போராட்டங்கள், அதிரடி பேட்டிகள் என அண்ணாமலை மீண்டும் களத்தில் வேகம் எடுத்தால், அது திமுகவை ஓரங்கட்டி எதிர்க்கட்சி இடத்தை அவர் பிடிப்பதற்கு வழிவகுக்கும். இந்த இருமுனைப் போட்டியில் உதயநிதி ஸ்டாலினுக்கு விஜய்யும் அண்ணாமலையும் சமகாலத்தில் கொடுக்கும் அரசியல் சவால்களை எதிர்கொள்வது திமுகவிற்கு வரும் காலங்களில் பெரும் சோதனையாக இருக்கும் என அரசியல் விமர்சகர்கள் கருதுகின்றனர்.