“ஐயோ… என்ன கொடுமை இது… குழந்தைகள் சாப்பிடும் நம்கீனுக்குள்ள செத்த எலியா?… கடையில் பாக்கெட்டைத் திறந்த… வாடிக்கையாளருக்கு காத்திருந்த பேரதிர்ச்சி… கான்பூரில் அதிர்ச்சி சம்பவம்…!”

கான்பூர் தேஹத் மாவட்டத்தின் ராஜ்பூர் நகரிலுள்ள முகல் ரோடு பகுதியில் அமைந்துள்ள மளிகைக் கடையில், நை பஸ்தியைச் சேர்ந்த ஜாவேத் கான் என்பவர் தனது குழந்தைகளுக்காக 80 ரூபாய் மதிப்புள்ள பிராண்டட் டால்மோத் பாக்கெட்டை வாங்கியுள்ளார். கடையின் முன்பாக அமர்ந்து பாக்கெட்டைத் திறந்து சாப்பிடத் தொடங்கியபோது, அதற்குள் இறந்துபோன குட்டி எலி ஒன்று இருப்பதைக் கண்டு அவர் கடும் அதிர்ச்சியடைந்தார்.

பிரபலமான ஒரு நிறுவனத்தின் உணவுப் பாக்கெட்டுக்குள் இறந்துபோன எலி கண்டெடுக்கப்பட்ட இந்த அதிர்ச்சி சம்பவம் அப்பகுதியில் பெரும் பரபரப்பை ஏற்படுத்தியுள்ளது. இச்சம்பவம் குறித்து ஆழ்ந்த கவலையைத் தெரிவித்துள்ள ஜாவேத் கான், சந்தையில் விற்பனையாகும் உணவுப் பொருட்களின் தரம் குறித்து பலமான கேள்விகளை எழுப்பியதுடன், நுகர்வோரின் பாதுகாப்பை உறுதி செய்ய உடனடியாக அதிகாரப்பூர்வ விசாரணை நடத்த வேண்டும் என்றும் வலியுறுத்தியுள்ளார்.

இத்தகைய கொடூரமான அசம்பாவிதம் உற்பத்தியாளர்களின் அலட்சியத்தால் நடந்ததா அல்லது சில்லறை விற்பனையாளரின் முறையற்ற சேமிப்பு முறையினால் ஏற்பட்டதா என்பதைத் துல்லியமாகக் கண்டறிய வேண்டியது அவசியமாகும். மக்களின் சுகாதாரத்தோடு விளையாடும் இதுபோன்ற சம்பவங்கள் இனி நிகழாமல் இருக்க, உணவுப் பாதுகாப்புத் துறையினர் உரிய ஆய்வு மேற்கொண்டு தவறிழைத்தவர்கள் மீது கடுமையான நடவடிக்கை எடுக்க வேண்டும்.