“ரியல் ஜென்டில்மேன்” ஹார்திக் பாண்டியா… விவாகரத்து பெற்று பிரிந்த பிறகும்… மனைவி, மகனுக்காக கொடுத்த 4 கோடி ரூபாய் கார்.. பாராட்டி தள்ளும் இணையவாசிகள்..!

இந்திய கிரிக்கெட் அணியின் நட்சத்திர ஆல்-ரவுண்டர் ஹார்திக் பாண்டியா, தனது மகன் அகஸ்தியாவின் மகிழ்ச்சிக்காக சுமார் 4 கோடி ரூபாய் மதிப்புள்ள புதிய லேண்ட் ரோவர் டிபென்டர் (Land Rover Defender) காரைப் பரிசளித்துள்ளார். கருப்பு நிறத்தில் கம்பீரமாக காட்சியளிக்கும் இந்த சொகுசு காரை, மும்பையில் உள்ள ஷோரூமில் ஹார்திக்கின் முன்னாள் மனைவி நடாசா ஸ்டான்கோவிக் மற்றும் மகன் அகஸ்தியா ஆகியோர் பெற்றுக்கொண்டனர். இது தொடர்பான புகைப்படங்கள் மற்றும் வீடியோக்கள் சமூக வலைதளங்களில் தற்போது வைரலாகி வருகின்றன.

கடந்த 2024-ம் ஆண்டு ஹார்திக் பாண்டியா மற்றும் நடாசா இருவரும் பரஸ்பரம் பிரிவதாக அறிவித்தனர். விவாகரத்துக்குப் பிறகும், தங்கள் மகனின் வளர்ப்பில் இருவரும் மிகுந்த அக்கறை காட்டி வருகின்றனர். தற்போது ஹார்திக் பாண்டியா 2026 டி20 உலகக்கோப்பை தொடரில் பிஸியாக இருந்தபோதிலும், தனது மகனின் தேவைகளையும் விருப்பங்களையும் நிறைவேற்றுவதில் ஒரு தந்தையாகத் தவறுவதில்லை என்பதை இந்த விலையுயர்ந்த பரிசு மீண்டும் உறுதிப்படுத்தியுள்ளது.

தனது முன்னாள் மனைவி நடாசா மற்றும் மகனின் பாதுகாப்பு மற்றும் வசதிக்காக இவ்வளவு பெரிய தொகையில் கார் பரிசளித்த ஹார்திக் பாண்டியாவின் செயலை ரசிகர்கள் வெகுவாகப் பாராட்டி வருகின்றனர். “பிரிந்த பிறகும் ஒரு குடும்பமாகப் பொறுப்புடன் செயல்படுவது உண்மையான கண்ணியமான செயல்” எனப் பலரும் கருத்துத் தெரிவித்து வருகின்றனர். ஹார்திக்கின் இந்த செயல், கசப்பான பிரிவுகளுக்கு மத்தியிலும் முதிர்ச்சியான முறையில் குழந்தையை வளர்ப்பதற்கு (Co-parenting) ஒரு சிறந்த உதாரணமாகப் பார்க்கப்படுகிறது.