மிருகத்தனத்தின் உச்சம்!.. சொந்த மகளையே மனைவியாக்கி.. பேத்தியையும் கர்ப்பமாக்கிய 50 வயது நபர்… நீதிமன்றத்தையே அதிரவைத்த வாக்குமூலம்..!!

பிரேசிலின் அமேசான் மழைக்காடுகளின் ஆழத்தில் அமைந்துள்ள தபவுவாவுக்கு அருகிலுள்ள பக்கூரி பழங்குடி சமூகத்தில், உலகையே அதிர வைக்கும் ஒரு கொடூரமான பாலியல் வன்கொடுமைச் சம்பவம் வெளிச்சத்திற்கு வந்துள்ளது. அபுரினா பழங்குடியினத்தைச் சேர்ந்த 50 வயதான நபர் ஒருவர், தனது சொந்த மகளைப் பல ஆண்டுகளாகத் தனிமைப்படுத்தி பாலியல் வன்கொடுமை செய்து வந்துள்ளார். இதன் விளைவாக, அந்த மகளுக்கு ஒரு பெண் குழந்தை பிறந்துள்ளது. அந்தப் பெண் குழந்தை வளர்ந்து 12 வயதை எட்டியபோது, அந்த நபர் தனது சொந்த மகளுக்குப் பிறந்த பேத்தி என்றும் பாராமல் அவளையும் பாலியல் வன்கொடுமைக்கு உள்ளாக்கியுள்ளார். இதனால் அந்த 12 வயது சிறுமியும் கர்ப்பமடைந்துள்ளார். இந்த கொடூரத்தின் மூலம், பாதிக்கப்பட்ட அந்த 12 வயது சிறுமி அந்த நபருக்கு ஒரே நேரத்தில் மகளாகவும், பேத்தியாகவும் இருக்கும் அவலம் நேர்ந்துள்ளது.

இந்த நபரின் உண்மையான மனைவி இறந்த பிறகு, தனது 33 வயது மகளைக் குடும்பத்தின் மற்ற உறுப்பினர்களிடமிருந்து பிரித்து, வலுக்கட்டாயமாகத் தன் மனைவியாக வாழ வைத்துள்ளார். மேலும், அந்தப் பெண்ணையும் அவரது 12 வயது மகளையும் சுகாதாரப் பணியாளர்கள் மற்றும் உறவினர்களிடமிருந்து மறைத்து, தனிமையில் அடைத்து வைத்து, சிறுமியைப் பள்ளிக்குக் கூட அனுப்பாமல் தடுத்து வந்துள்ளார். இந்த நிலையில், 12 வயது சிறுமி ஆறு மாத கர்ப்பிணியாக இருந்ததை பிராந்திய பழங்குடி மருத்துவக் குழு ஒன்று கண்டறிந்து, அவருக்கு மருத்துவ சிகிச்சை அளிக்க வேண்டும் என வலியுறுத்தியது. இதன் பின்னரே, இந்த கொடூரமான விவகாரம் குறித்துச் சட்ட அமலாக்கத் துறையினருக்குத் தெரியவந்தது.

இதைத்தொடர்ந்து, துப்பறியும் அதிகாரிகள் உளவுத்துறையின் உதவியுடன் தீவிரமான இரவு நேரக் கண்காணிப்பில் ஈடுபட்டு, அந்த 50 வயது சந்தேக நபரை மே 20 புதன்கிழமை அன்று அதிரடியாகக் கைது செய்தனர். இதற்கிடையில், பாதிக்கப்பட்ட அந்த 12 வயது சிறுமி பெரூரி பகுதியில் உள்ள ஒரு மருத்துவமனையில் தனது குழந்தையைப் பெற்றெடுத்தார். தற்போது தாயும் குழந்தையும் நலமாக இருப்பதாகவும், குற்றம் சாட்டப்பட்டவரின் மகளான (சிறுமியின் தாய்) அவர்கள் இருவரையும் பராமரித்து வருவதாகவும் அதிகாரிகள் தெரிவித்துள்ளனர். சொந்த மகளையும், பேரக் குழந்தையையும் சீரழித்த இந்த மிருகத்தனமான நபர் மீது பிரேசில் காவல்துறை கடுமையான பிரிவுகளின் கீழ் வழக்குப் பதிவு செய்து விசாரித்து வருகிறது.