கேரளாவில் பணியாற்றும் நீதிபதி ஒருவரின் 17 வயது மகன், கொச்சியில் தனது தந்தையின் மெர்சிடிஸ் பென்ஸ் சொகுசு காரை அதிவேகமாக இயக்கி ஏற்படுத்திய கோர விபத்தில் இருசக்கர வாகன ஓட்டி பரிதாபமாக உயிரிழந்தார். சாலையோர உணவகம் நடத்தி வந்த ஜெயபாலகிருஷ்ணன் என்பவர், ஞாயிற்றுக்கிழமை அதிகாலை வழக்கம்போல் கடையை அடைத்துவிட்டு வீடு திரும்பிக் கொண்டிருந்தபோது இந்த விபத்து நிகழ்ந்துள்ளது. பலத்த காயமடைந்த அவர் சம்பவ இடத்திலேயே உயிரிழந்த நிலையில், விபத்துக்குக் காரணமான சிறுவனைப் பிடித்த காவல் துறையினர் விசாரணைக்குப் பின்னர் காவல் நிலைய பிணையில் விடுவித்தனர்.
இச்சம்பவம் தொடர்பாக பாரதிய நியாய சன்ஹிதா சட்டப்பிரிவுகள் 281 மற்றும் 106(1)-ன் கீழ் வழக்குப் பதிவு செய்துள்ள அதிகாரிகள், அப்பகுதி கண்காணிப்புக் கேமரா பதிவுகள் மற்றும் தடயவியல் சான்றுகளின் அடிப்படையில் தீவிர விசாரணை மேற்கொண்டு வருகின்றனர். மேலும், உரிமம் இல்லாத சிறுவனிடம் வாகனத்தை ஒப்படைத்ததன் அடிப்படையில், மோட்டார் வாகனச் சட்டப்படி வாகன உரிமையாளர் மீதான சட்டப்பூர்வ நடவடிக்கை குறித்தும் ஆராயப்பட்டு வருகிறது. இதனிடையே, உரிய நீதி கிடைக்க வேண்டும் என்றும், வழக்கில் பாரபட்சமின்றி தகுந்த சட்ட நடவடிக்கை எடுக்க வேண்டும் என்றும் உயிரிழந்தவரின் குடும்பத்தினர் வலியுறுத்தியுள்ளனர்.
மும்பையின் ஜோகேஸ்வரி மேற்கு, ஓஷிவாரா ஆனந்த் நகர் பகுதியில் அமைந்திருக்கும் சுன்னி மசூதி அருகே சிறிய தேநீர்க் கடை ஒன்று…
மகாராஷ்டிரா மாநிலம் மும்பையின் காட்கோபர் பகுதியில், 14 வயது சிறுவன் தனது தந்தைக்கு தெரியாமல் வீட்டிலிருந்த ஸ்கூட்டரை எடுத்துக்கொண்டு நண்பருடன்…
சத்தீஸ்கர் மாநிலம் பிலாய்-3 சாரோடா பகுதியில், பிக்கப் வாகனம் ஒன்றிலிருந்து கணக்கில் வராத நான்கு கோடி ரூபாய் ஹவாலா பணத்தை…
உத்தரப் பிரதேச மாநிலம் ஜான்சியில், திருமணமாகி வெறும் நான்கு மாதங்களே ஆன முஸ்கான் என்ற இளம் பெண் மர்மமான முறையில்…
ஹைதராபாத்தைச் சேர்ந்த இளம் மென்பொருள் பொறியாளர் ஒருவர், தன்னுடன் பணியாற்றிய பெண் ஊழியரைத் திருமணம் செய்துகொள்ளுமாறு தொடர்ந்து வற்புறுத்தி வந்துள்ளார்.…
உத்தரப் பிரதேசத்தின் ஜான்சி பகுதியிலுள்ள விடுதி ஒன்றில், திருமணம் முடிந்து மூன்று மாதங்களே ஆன 28 வயது பெண் ஒருவர்…