Apollo Ravi: நடிகரும், இயக்குனருமான மாரிமுத்து கடந்த 8- ஆம் தேதி மாரடைப்பால் உயிரிழந்தார். இவர் சின்னத்திரையில் ஒளிபரப்பாகும் எதிர்நீச்சல் தொடரின் மூலம் மக்களிடையே மிகவும் பிரபலமானவர். நடிகர் மாரிமுத்துவோடு நடித்த நடிகர்கள் பலர் அவருடைய நினைவுகளை பகிர்ந்து வருகின்றனர்.
இந்நிலையில் அப்பல்லோ ரவி நடிகர் மாரிமுத்து குறித்து பல தகவல்களை கூறியுள்ளார். சீரியலில் நடித்துக் கொண்டிருந்தபோதே 11 நாட்களுக்கு முன்பு ரவி மாரிமுத்துவின் வயிற்றைப் பார்த்து சற்று உப்பலாக தெரிந்ததால் என்ன சார் வயிறு ஜெமினி பிரிட்ஜ் மாதிரி இருக்கு என கேட்டுள்ளார்.
அதற்கு நடிகர் மாரிமுத்து என்னை பார்த்தா உனக்கு பேஷன்ட் மாதிரி தெரிகிறதா? நீ ஜெமினி பிரிட்ஜ் பாத்திருக்கியா? என திட்டியுள்ளார். அப்பல்லோ ரவி மருத்துவத்துறையில் இருப்பதால் அண்ணே ஒரு மணி நேரம்தான்; என் கூட வந்தா செக் அப் பண்ணிட்டு வந்துடலாம் என கேட்டுள்ளார். அதற்கு மாரிமுத்து சம்மதம் தெரிவிக்கவில்லை.
அதன் பிறகு சில நாட்களிலேயே மாரிமுத்து மாரடைப்பால் உயிரிழந்தார். மாரிமுத்துவின் உடலை பார்த்து அண்ணே அன்னைக்கே நான் கூப்பிட்டேன் நீங்க என் கூட வந்து இருக்கலாம் எனக்கூறி அப்பல்லோ ரவி அழுதுள்ளார். கடைசி நேரத்தில் கூட நடிகர் மாரிமுத்து பொறுப்பாக காரில் பத்திரமாக போயிருக்கிறார். அவரை நினைத்தால் மிகவும் கஷ்டமாக இருக்கிறது என கூறி பேட்டியின் போதே அப்பல்லோ ரவி கதறி அழுதது குறிப்பிடத்தக்கதாகும்.
