பற்றி எரிந்த கார்… உள்ளே காத்திருந்த அதிர்ச்சி… இந்திய இளைஞருக்கு நடந்த கொடூரம்… நெஞ்சை உலுக்கும் மர்ம மரணம்…!!

By Gayathri on கார்த்திகை 19, 2026

Spread the love

கனடாவின் பிரிட்டிஷ் கொலம்பியா மாகாணத்திலுள்ள லாங்லி பகுதியில், கடந்த அக்டோபர் 29-ஆம் தேதி இரவு தீப்பிடித்து எரிந்த காருக்குள் 25 வயதான இந்திய இளைஞரின் சடலம் மீட்கப்பட்டுள்ளது. தீயணைப்புப் படையினர் தீயை அணைத்தபோது காருக்குள் உடல் இருப்பது தெரியவந்ததையடுத்து, உயிரிழந்தவர் சுர்ரே நகரில் வசித்து வந்த துஷார் சர்மா என அடையாளம் காணப்பட்டார்.

இந்திய இளைஞர் துஷார் சர்மாவுக்குக் கனடாவில் எவ்விதக் குற்றப் பின்னணியோ அல்லது பெரிய அளவிலான நண்பர்கள் வட்டமோ இல்லை என்பது விசாரணையில் தெரியவந்துள்ளது. இதனால் இது தற்செயலான விபத்து அல்ல என்றும், ஆதாரங்களை அழிக்கும் நோக்கில் திட்டமிட்டுக் கொலை செய்து காருக்குத் தீ வைக்கப்பட்டிருக்கலாம் என்றும் கனடா போலீசார் சந்தேகிக்கின்றனர்.

   

இவ்வழக்கை ஒருங்கிணைந்த கொலை விசாரணைக் குழு மற்றும் தடயவியல் நிபுணர்கள் தீவிரமாக விசாரித்து வருகின்றனர். உயிரிழந்த இளைஞரின் குடும்பத்தினர் மற்றும் வெளிநாடுகளில் உள்ள உறவினர்களிடம் தகவல்கள் சேகரிக்கப்பட்டு வருவதோடு, சம்பவம் நடந்த இரவில் அப்பகுதியில் பதிவான சிசிடிவி காட்சிகள் மற்றும் பொதுமக்களின் உதவியுடன் கொலையாளிகளைப் பிடிக்க போலீசார் நடவடிக்கை எடுத்து வருகின்றனர்.