ஐயோ கொடுமையே… கள்ளக்காதலனுடன் சேர்ந்து பெற்ற மகனை… தீர்த்துக்கட்டிய கொடூர தாய்… கால்வாயில் கிடந்த சடலத்தால் அம்பலமான பயங்கரம்… குலை நடுங்கவைக்கும் பகீர் சம்பவம்…!!

கர்நாடக மாநிலம் பெலகாவி நகரில், தனது 24 வயது மகனைக் கொலை செய்த வழக்கில் 44 வயதுத் தாயும் அவரது காதலரும் உட்பட ஆறு பேரைக் காவல்துறையினர் கைது செய்துள்ளனர். பெங்களூருவைச் சேர்ந்த மீனா நாராயணன் என்ற அந்தப் பெண், தனது காதலரான ராகேஷ் ஜமுனி என்பவருடனான உறவுக்கு மகன் விஜய் நாராயணன் தொடர்ந்து எதிர்ப்பு தெரிவித்து வந்ததால், அவரைத் தீர்த்துக்கட்டத் திட்டமிட்டுள்ளார்.

இந்தக் கொலைத் திட்டத்தின் ஒரு பகுதியாக, நவம்பர் 1-ஆம் தேதி நடைபெற்ற கர்நாடக ராஜ்யோத்சவா கொண்டாட்டங்களைக் காண்பிக்க அழைத்துச் செல்வதாகக் கூறி விஜய்யை பெலகாவிக்கு வரவழைத்துள்ளனர். அங்கு வைத்து அவர் திட்டமிட்டு படுகொலை செய்யப்பட்டுள்ளார். கொலைக்குப் பிறகு அவரது உடல் நெடுஞ்சாலையோரக் கால்வாயில் கண்டெடுக்கப்பட்டது.

நவம்பர் 3-ஆம் தேதி சடலத்தை மீட்ட மாலமாருதி காவல்துறையினர், செல்போன் அழைப்பு விவரங்கள் மற்றும் தடயங்களைக் கொண்டு தீவிர விசாரணை நடத்தினர். விசாரணையின் முடிவில் தாய் மீனா, காதலர் ராகேஷ் மற்றும் அவருக்கு உடந்தையாக இருந்த நான்கு கூட்டாளிகள் என மொத்தம் ஆறு பேர் கைது செய்யப்பட்டுள்ளனர். மேலும், இந்தக் கொலையில் தொடர்புடைய சிறார் ஒருவரையும் காவல்துறையினர் தங்களது கட்டுப்பாட்டில் எடுத்து விசாரித்து வருகின்றனர்.