வேலூரில் பாமக நிர்வாகி ஞானவேல் நாட்டுத் துப்பாக்கியால் சுடப்பட்டு உயிரிழந்த சம்பவம் தமிழகத்தில் பெரும் அதிர்ச்சியை ஏற்படுத்தியுள்ளது. பூவரசன் என்பவரால் அரங்கேற்றப்பட்ட இக்கொலைத் தொடர்பாக காவல்துறையினர் அவரை அதிரடியாகக் கைது செய்தனர். அதனைத் தொடர்ந்து, குற்றச் சம்பவம் நடைபெற்ற இடத்திற்கு விசாரணைக்காக பூவரசனை அழைத்துச் சென்றபோது, அவர் எதிர்பாராதவிதமாக காவல்துறையினரைத் தாக்கிவிட்டு தப்பியோட முயன்றார்.
பொதுமக்கள் மற்றும் காவல்துறது பாதுகாப்பைக் கருத்திற்கொண்டு, தப்பியோட முயன்ற பூவரசனை போலீசார் காலில் சுட்டு மடக்கிப் பிடித்தனர். கடந்த சில நாட்களுக்கு முன்பு கடலூரிலும் இதேபோன்று ஒரு என்கவுண்டர் சம்பவம் அரங்கேறியது குறிப்பிடத்தக்கது. அடுத்தடுத்து நடைபெறும் இத்தகைய அதிரடி நடவடிக்கைகள் மாநிலத்தில் சட்டம்-ஒழுங்கு மற்றும் குற்றச் செயல்களைத் தடுக்கும் காவல்துறை நடவடிக்கைகளை மீண்டும் ஒருமுறை வெளிச்சம் போட்டுக் காட்டியுள்ளன.