அதிமுகவைச் சேர்ந்த நான்கு சட்டமன்ற உறுப்பினர்கள் தங்களது பதவிகளை ராஜினாமா செய்த விவகாரம் தமிழக அரசியலில் பெரும் பரபரப்பை ஏற்படுத்தியுள்ளது. இந்த ராஜினாமா கடிதங்கள் மீது உரிய விசாரணை நடத்தக் கோரி அதிமுக தரப்பில் சபாநாயகர் JCD பிரபாகரிடம் புகார் மனு அளிக்கப்பட்டது. அந்தப் புகாரின் அடிப்படையில், ராஜினாமா செய்துள்ள சத்யபாமா, மரகதம் குமரவேல், இசக்கி சுப்பையா மற்றும் ஜெயக்குமார் ஆகிய நான்கு எம்.எல்.ஏ.-க்களும் நேரில் ஆஜராகி விளக்கம் அளிக்க வேண்டும் என சபாநாயகர் உத்தரவிட்டுள்ளார். இதற்காக அவர்களுக்கு நவம்பர் 10, 11 மற்றும் 12 ஆகிய தேதிகளில் நேரில் ஆஜராகுமாறு அதிகாரப்பூர்வமான நோட்டீஸ் அனுப்பப்பட்டுள்ளது.
இந்த விவகாரத்தில் நியாயமான முறையில் குறுக்கு விசாரணை நடத்தப்பட உள்ளதால், எடப்பாடி பழனிசாமி மற்றும் முன்னாள் அமைச்சர் அக்ரி கிருஷ்ணமூர்த்தி ஆகியோரும் விசாரணைக்கு நேரில் ஆஜராகுமாறு சபாநாயகர் உத்தரவு பிறப்பித்துள்ளார். குறிப்பிட்ட இந்தத் தேதிகளில் நடைபெறும் விசாரணையின் முடிவிலேயே, எம்.எல்.ஏ.-க்களின் ராஜினாமா கடிதங்கள் ஏற்படுவது குறித்த அடுத்த கட்ட சட்ட மற்றும் அரசியல் நகர்வுகள் தெரியவரும் என்பதால், தமிழக அரசியல் வட்டாரத்தில் இச்சம்பவம் மிகுந்த எதிர்பார்ப்பை ஏற்படுத்தியுள்ளது.