பெங்களூரு பீன்யா HMT லேஅவுட்டில் உள்ள ரத்தன் பேக்கரியில் நேற்று இரவு நடந்த இந்தச் சம்பவம் அப்பகுதியில் பெரும் பதற்றத்தை ஏற்படுத்தியுள்ளது. மகேஷ் மற்றும் ரஜத் என அடையாளம் காணப்பட்ட இரண்டு நபர்கள் கடைக்குள் அத்துமீறி நுழைந்துள்ளனர். தாங்கள் முன்பு சிறையில் இருந்த ரவுடிகள் என்று மிரட்டல் விடுத்த அவர்கள், விலை கொடுக்காமல் இலவசமாக தேநீர் மற்றும் காபி தருமாறு கேட்டு தகராறில் ஈடுபட்டுள்ளனர்.
கடை உரிமையாளரான பெண்ணும் அவரது குடும்பத்தினரும் இலவசமாகக் கொடுக்க மறுத்ததைத் தொடர்ந்து, அந்த நபர்களின் ரகளை எல்லை மீறியுள்ளது. அவர்கள் கடைக்குள்ளிருந்த பொருட்களை அடித்துச் சேதப்படுத்தியதுடன், உரிமையாளரான பெண்ணையும் அவரது குடும்பத்தினரையும் கடுமையான வார்த்தைகளால் திட்டி கொலை மிரட்டல் விடுத்துள்ளனர். இதனால் அங்கு பெரும் பரபரப்பும் அச்சமும் நிலவியது.
https://twitter.com/HateDetectors/status/2115424593343103487/video/1
இந்தச் சம்பவம் குறித்து பாதிக்கப்பட்ட தரப்பினர் உடனடியாக அருகில் உள்ள காவல் நிலையத்தில் புகார் அளித்துள்ளனர். புகாரின் அடிப்படையில் வழக்குப் பதிவு செய்துள்ள காவல்துறையினர், தப்பியோடிய மகேஷ் மற்றும் ரஜத் ஆகிய இருவரையும் தீவிரமாகத் தேடி வருகின்றனர். மேலும், அப்பகுதியில் உள்ள சிசிடிவி காட்சிகளைக் கைப்பற்றி விசாரணை மேற்கொண்டு வருகின்றனர்.